2018 ءتہاری تا چٹفنگ نا سال مریک، بیگم عشرت اشرف
اسلام آباد۔ 07 فروری (ا ے پی پی) مسلم لیگ (ن) نا راہشون مسکوہی باسک قومی اسمبلی بیگم عشرت اشرف پارینے کہ وزیراعظم پاکستان 2013 ءنالس گچین کاری نا وخت آ الس تون ہرا وعدہ غاتے کریسس اوفتے پورو کننگ انگ ئ۔ ننا جماعت جلسہ و جلوس اٹی کس اسے نا برخلاف غیر پارلیمانی زبان ئِ کاریم اٹ اتپک۔ سے شنبے آ پارلیمنٹ ہاﺅس نا پیشن میڈیا تون ہیت وگپ کرسا اوپارے کہ وزیراعظم پاکستان 2013ءنا لس گچین کاری تا وخت آ الس تون لوڈشیڈنگ نا چٹفنگ نا وعدہ کریسس اونا پورو مننگ والا ئِ۔ ملک اٹی توانائی نا تنکی نا چٹفنگ کن بھلو کچ اسے آ ڈٹ آتیا کاریم ترند ی اٹ برجاہئِ انشاءاللہ 2018 ءتہاری تا چٹفنگ نا سال مریک اوپارے کہ پاک چین اقتصادی راہداری ڈٹ آن ملک انا معیشت سوگو مریک وخت اس بھلو روزگار نا وارخواہی اس دوبریک۔ اسہ سوج اسے نا ورندی ٹی اوپارے کہ جلسہ و جلوس اٹی سیاسی راہشون تا کنڈآن غیر پارلیمانی لوز آتا کاریم اٹ اتنگ درست اف۔
