عمران کان یوٹرن نا بادشاہ ئِ، غالب خان

اسلام آباد۔ 07 فروری (اے پی پی) مسلم لیگ (ن) نا راہشون باسک قومی اسمبلی غالب خان پارینے کہ عمران خان یوٹرن نا بادشاہ ئِ ۔ اونا سہب انا بیان پین و شا م انا پین مریک۔ سے شنبے آ پارلیمنٹ ہاﺅس نا پیشن میڈیا تون ہیت وگپ کرسا اوپارے کہ پاکستان تحریک انصاف نا سروک سیاست اٹی یوٹرن نا بادشاہ ئِ اونا مزاج اٹی تحمل و پختگی اف۔ سہب انا ہرا میڈیا نا مون آ بیان ئِ ایتک او پین مریک وخت اس کہ شام انا وخت ہرا بیان ئِ جاری کیک او بھاز پین ہی مریک۔ اوپارے کہ فاٹا نا بابت اصلاحات مرتب کننگ انگ ئِ بیدس اِرا جماعت آتا ایلو غٹ سیاسی جماعت آک فاٹا ٹی اصلاحات نا عمل نا حق اٹی ئُ ، اوپارے کہ قبائل امن پسند ئُ تینا حق ئِ دوئی کننگ کن جہد ئِ برجاہ تخرہ۔