کراچی آن حیدرآباد موٹروے نا تکنیکی ہیبداری و نزور بیریئرآتا بابت غاو تیا تعلقدار کمامدارآتیان بازپرس کینہ، بنجائی وزیر پارلیمانی امور شیخ آفتاب احمد نا قومی اسمبلی ٹی یخین دہانی

اسلام آباد۔ 07 فروری (اے پی پی) بنجائی وزیر پارلیمانی امور شیخ آفتاب احمد کراچی آن حیدرآباد موٹروے ناتکنیکی ہیبداری و نزور بیریئرآتا بابت غاوتا ازالہ کننگ نا یخین ترفسا پارینے کہ دوشنبے آ سینیٹ نا دیوان اٹی او تعلقدار کمامدار آتے بٹنگسا دا بابت باز پرس کیک۔ سے شنبے آ اعتراضی ٹک آ سید غلام مصطفی شاہ پارے کہ کراچی آن حیدرآباد موٹروے آ خلوک آ بیریئر نزور و تکنیکی خامی تخرہ دانا نوٹس ئِ ہلنگے۔ نواب محمد یوسف تالپور پارے کہ کراچی آن حیدر آباد 134کلو میٹر شاہراہ تیان بیرہ 74کلومیٹر آ کاریم مسنے و کاریم اٹی ہیبداری ارے، دانا نوٹس ئِ بایدے ہلنگے۔ بنجائی وزیر شیخ آفتاب احمد پارے کہ او دا بابت تعلقدار کمامدارآتے پارت ایتک کہ او دوشنبے آ سینیٹ نا دیوان اٹی دا معاملہ نا وضاحت ئِ کیر۔