سٹیٹ بینک بلڈنگ اٹی مسکوہی اسمبلی ہال ئِ گودام اس جوڑ کننگ نا معاملہ نا رپورٹ بروک آ دیوان اٹی پیش کننگک، ڈاکٹر طارق فضل چوہدری

اسلام آباد۔ 07 فروری (اے پی پی) حکومت نا کنڈآن قومی اسمبلی ئِ باوری ترفنگانے کہ سٹیٹ بینک بلڈنگ اٹی واقع مسکوہی اسمبلی ہال ئِ گودام اس جوڑ کننگ نا بابت معاملہ نا جاست وپاست کرسا بروک آ دیوان اٹی رپورٹ ئِ پیش کننگک۔ سے شنبے آ اعتراضی ٹک آ بابر نواز پارے کہ مسکوہی قومی اسمبلی ہال ئِ گودام اس جوڑ کننگانے۔ دانا نوٹس ئِ ہلنگے۔ دا ہال اٹی 1973ءنا آئین منظور مسوسس۔ بنجائی وزیر شیخ آفتاب احمد پارے کہ تعلقدار کمامدار آتے بٹنگسا دا بابت باز پرس کننگک۔ ڈپٹی اسپیکر وزیر مملکت ڈاکٹر طارق فضل ئِ پارت کرے کہ دا اونا وزارت آن تعلقدار معاملہ اسے۔ او دانا نوٹس ئِ ہلے۔ ڈاکٹر طارق فضل چوہدری پارے کہ او بروک آ دیوان اٹی دابابت سرجم احوال آتے پیش کیک۔