اوغان مہاجر آتا پدی ہِننگ ، گچین کاری اصلاحات و احتساب کمیشن تون اوار ایجنڈا نا اہم ٹک آتیا سجفنگا
اسلام آباد۔ 07فروری (اے پی پی) وزیراعظم محمد نواز شریف نا کماشی ٹی بنجائی کابینہ نا دیوان اسلام آباد اٹی اڈ ہلک ہراٹی اوغان مہاجر آتا پدی ہِننگ و گچین کاری اصلاحات تون اوار ایجنڈا نا چندی اہم ٹک آتیا سجفنگا۔ سرکاری ذرائع نا رداٹ دیوان اٹی 33ٹکی ایجنڈاٹی احتساب کمیشن، ورکنگ باﺅنڈری آ بھارتی سم کاری آن زہمی بندغ آتے کن اڈ تروک کابینہ کمیٹی نا رپورٹ، بِک، جغر، کینسر ، بون میر وٹرانسپلانٹ تون اوار کیہی خراب انگا مرض آتا گواچی نیزگار و حقدار شاری تا درمان آن بیدس مچ آ ملک اٹی 500 سد، دونیم سدو 100 کٹ آتا ہسپتال اسے نا جوڑ جاڑ و ہیلتھ انفراسٹرکچر اینڈ مینجمنٹ کمپنی نا اڈتننگ نا معاملہ غاک ہم اوار ئُ۔ دیوان اٹی ٹریڈ ڈویلپمنٹ اتھارٹی آف پاکستان و بنگلہ دیش نا برآمدی شونداری نا بیورو نا نیام اٹ واپار نا مون آ دننگ کن مفاہمتی یات داشت، پاکستان و روس انا نیام اٹ روس انا فوجی کارندہ غاتا پاکستان نا فوجی تربیتی ادارہ غاتیٹی تربیت نامعاہدہ کن مذاکرات نا بناءکننگ و آڈٹ نا بشخ اٹی کمکاری کن پاکستان و چین نا نیام اٹ آڈیٹر جنرل آف پاکستان آفس و چین نا نیشنل آڈٹ آفس نا نیام اٹ مفاہمت نا یات داشت آتا منظوری ہم تننگ ناگمان ارے۔
