جنیوا ۔ 10 ستمبر (اے پی پی) وزیر درئی کار مخدوم شاہ محمود شاہ قریشی ءَ جنیوا ءَ جاڑیگیں بنی آدمی ھک ءِ کونسل ءِ دیوان ءِ موہ ءَ او آئی سی گروپ ءِ سفیر آں گوں سئے شمبے ءَ گند ءُُ نند کت ۔ گند ءُُ نند ءِ ساھت ءَ مقبوضہ جموں کشمیر ءَ یک نیمگی کتگیں پیسلہ بھارتی گامگیج ءُُ ایشی ءِ رند پد آنی سر ءَ ھیال ریچی کنگ بوت ۔ اے موہ ءِ سر ءَ وزیر ءِ درئی کاری ءَ گوشت کہ بھارت ءِ نیمگ ءَ 5 اگست ءَ مقبوضہ جموں کشمیر ءَ کتگیں یک نیمگی ، ءُُ کانود ءَ چہ ڈن گامگیج میاں اوستمانی کانود ءُُ اقوام ءِ متحدہ ءِ منوگری آنی ھلاپ انت ۔ وزیر ءِ درئی کاری ءَ مقبوضہ جموں کشمیر ءَ جاڑیگیں بنی آدم آنی لگت مالی ءِ ھوالگ ءَ او آئی سی ءِ بیان ءَ را ساڑات ءُُ گوشت کہ او آئی سی ءَ تلپچیں رنگ ءَ مقبوضہ جموں کشمیر ءَ بنی آدمی لگت مالی ءِ ھوالگ ءَ پٹ ءُُ پول کنگ ءُُ کشمیر ءِ جیڈھ ءَ را اقوام ءِ متحدہ سیکورٹی کونسل ءِ منوگری آنی رد ءَ گیوار کنگ ءِ لوٹ کتگ ۔
