وفاقی داخلہ ءِ وزیر محسن نقوی ءَ اسلام آباد ایکسپریس وے سروس روڈ منصوبہ ءِ تر ءُ تاب کتگ، یوٹیلٹیز ءِ ٹرانسفر ءِ تہا دیر کنگ ءِ سرا ناپسندی ءِ درشان

اسلام آباد۔5اکتوبر  (اے پی پی): وفاقی وزیر داخلہ محسن نقوی ءَ اسلام آباد ایکسپریس وے سروس روڈ منصوبگ ءِ سرجمیں تر ءُ تاب کت ءُ برجاھیں جوڑیشت ءِ کار آنی سر ءَ چار ءُ تپاسی کت۔ اے موہ ءِ سرءَ چیئرمین کیپیٹل ڈویلپمنٹ اتھارٹیءُ ایندگر مزنیں کارندہ ھم ساڑی بوتگ اَنت۔ تر ءُ تاب ءِ ساھت ءَ وفاقی وزیر داخلہ ءَ منصوبگ ءِ راہ ءَ آیوکیں یوٹیلٹیز ءِ ٹرانسفر ءِ تہ ءَ تاخیر ءِ سر ءَ سک باز ناپسندی ءِ درشانی کت۔ آئی ءَ سی ڈی اے ءِ کارندہ آناں ہدایت کت کہ آ زوت ءُ وھد ءِ سر ءَ یوٹیلٹیز ءِ ٹرانسفر ءِ واستہ سوئی گیس ءِ واکداراں گوں زوت رابطہ بہ کن اَنت ءُ اے درگت ءَ ہنگامی بنیاد ءَ گامگیج چست کنگ بہ بنت۔ محسن نقوی ءَ پرمان داتگ کہ اے منصوبگ ءِ دیمروئی ءَ را ترند کنگ ءِ ھاترا زوتیں وھد ءَ کارکن ءُ مشینری ءِ کساس ءَ گیش کنگ بہ بیت۔ آئی ءَ اے گپ ءِ پدرائی کت کہ کار ءِ رفتار ءَ را گیش کنگ ءَ منصوبگ ءِ ٹھینگ بوتگیں وھد ءِ تہ ءَ سرجم کنگ بہ بیت۔ اے موہ ءِ سر ءَ چیئرمین سی ڈی اے ءَ وفاقی وزیر داخلہ ءَ را منصوبگ ءِ سر ءَ جاری جوڑیشت ءِ کار آنی بابت ءَ سرپدی دیان ءَ گوشت کہ سروس روڈ منصوبگ ءِ سر ءَ یکیں وھد ءَ 60 ءَ چہ گیش مشین کار کنگ ءَ اَنت۔