اسلام آباد۔ 06 فروری (اے پی پی) صدر مملکت ممنون حسین ئَ گوشت کہ کراچی ئَ ایمنی ئَ را برجم دارگ ئِ ھاترا توامیں تکئِ مردم آناں یکجا زورگ ئُُ روگی اِنت۔ اے گپ صدر ئِ مملکت ئَ گورنر سندھ زبیر عمر ئَ گوں گپ ئُُ تران کنان ئَ گوشت انت، آئی ئَ صدر ئِ مملکت ئَ گوں گند ئُُ نند کُت۔ اے موہ ئِ سر ئَ صدر ئِ مملکت ئَ گورنر سندھ محمد زبیر عمر ئَ را نوکیں سیٹ ئِ مبارکی دات ئُُ امیت سہرا کُت کہ آ وتی زمہ واری آں شری ئَ پیلو کنت۔ آئیئَ گوشت کہ کراچی ئَ ایمنی ئَ را برجم دارگ ئِ ھاترا جوانیں گامگیج چست کتگ اَنت ایشانی سوبمندیں نتیجگ دیم ئَ اتکگ۔ آئیئَ گوشت کہ استیں حکومت کراچی ئَ ایمنی مھکم دارگ ئِ ھاترا وتی جھد آں جاڑٰ داریت۔ صدر ئِ مملکت ئَ گوشت کہ گورنر سندھ زبیر عمر بازیں سساساچی مردم آناں یکجا کنگ ئَ جوانیں کرد ئِ پیلو کُت کنت۔ اے موہ ئِ سر ئَ گورنر سندھ محمد زبیر عمر ئَ صدر ئِ مملکت ئِ شگر گپت ئُُ گوشت کہ آ کراچی ئُُ سندھ ئَ دیمروئی ئُُ وشھالی ئِ واستہ جوانیں ئُُ سرجم ئُُ برجمیں کرد پیلو کنت۔
