کراچی۔ 06 فروری (اے پی پی) صدر مملکت ممنون حسین ئَ گوشت کہ ملک ئَ توان سرجمیں رنگ ئَ جوڑ کنگ بوھگ ئَ اِنت ایشی ئَ چہ دیمروئی ئِ تگ گیش ترند بوھان بنت، ملک ئِ اندر ئَ اقتصادی چست ئُُ ایر مھکم بوھان اَنت، پاک چین اقتصادی راہداری ئَ چہ دیمروئی ئِ بُن ھشت سہرا بنت۔ اے رد ئَ راج دلگوش ئُُ یک دل بہ بنت ئُُ دیمروئی ئِ سپر ئَ را داروکیں مردم آنا رد بکن اَنت۔ اے گپ آئی ئَ دو شمبے ئِ روچ ئَ اِدا فوجی فرٹیلائزر ئِ توان گس ئِ بنگیجی مراگش ئَ گوں تران ئِ ساھت ئَ کُت اَنت۔ اے توان گس 118توان پیداک کُت کنت ئُُ اے پلانٹ ئَ را چاگردوست جوڑ کنگ ئِ ھاترا گامگیج زورگ بوھگ ئَ اِنت۔ بنگیجی دیوان ئَ گورنر سندھ محمد زبیر ھم ساڑی اَت۔ صدر ئِ مملکت ئَ گوشت کہ توانائیئِ شارٹیج ئِ سبب ئَ کشت ئُُ کشاری پڑ سک باز آماچ بوتگ۔ ملک ئِ اندر ئَ کد ئِ کمیگ ھم بوتگ بلے نوں ایش گر ئُُ دار کنگ بوتگ۔ صدر ئِ م،ملکت ممنون حسین ئَ گوشت کہ جندی ادارگ ھم توان ئِ کمیگ ئَ را پورا کنگ ئِ کار ئِ تہ ئَ ایر کپتگ اَنت۔ آئی ئَ گوشت کہ اے وشیں گپ اِت کہ فوجی فرٹیلائزر ئِ پلانٹ ئَ چہ کراچی ئِ شہری مردماناں نپ ئُُ سیت رسیت۔
