اسلام آباد۔ 06فروری (اے پی پی) آزاد جموں و کشمیر نا وزیراعظم راجہ فاروق حیدر پارینے کہ بھارتی فوج انا بیدادی کشمیری تا حوصلہ ئِ پست کننگ کپک۔ ریڈیو پاکستان تون ہیت وگپ کرسا اوپارے کہ بھارتی فوج انا ودوک آ بیدادی نا باوجود کشمیری تا آجوئی کن جہد و جوش و ولولہ ٹی کمتی واقع متنے، بھارت وخت اس ہم کشمیری تا حوصلہ ئِ پست کننگ کپک۔ اوپارے کہ پوسکن آ نسل ئِ کشمیر نا ویل انا اہمیت آن معلومدار کننگ وخت انا اہم گرج ئِ۔ اوپارے کہ ہردے پاکستان نا برخلاف جاگہ ناجاگہ اس چمبی ڈٹ جوڑ کرسا کیک ہرانا مسخت جہانی برادری نا چکار ئِ کشمیر نا ویل آن اسہ پلو کننگ نائِ۔ اوپارے کہ گڈ گورننس و میرٹ پالیسی آ عملدرآمد اونا حکومت نا اہم اولیت آتیٹی اوار ئِ و اونا حکومت آزاد جموں کشمیر ئِ شونداری و شونہالی نا کسر آ روان کننگ کن کوشست کننگ ئِ۔
