اسلام آباد۔ 06فروری (اے پی پی) پارلیمانی سیکرٹری امور کشمیر چوہدری حامد حمید دا یخین نا درشانی ئِ کرینے کہ کشمیری تا آجوئی کن جان تا قربانیک گم مفسہ و اودے مر اف ہراتم او آجومریرہ۔ ریڈیو پاکستان تون ہیت وگپ کرسا اوپارے کہ اوفتے داہیت انا یخین ئِ کہ کشمیری تا آجوئی نا دوئی کن جان تا قربانیک گم مفسہ و اودے مراف ہراتم او آجوئی نا نعمت ئِ حاصل کیرہ۔ اوپارے کہ پاکستان کشمیری تیا بھارتی فوج انا ودوک آ بیدادی و جارحیت ئِ توننگ کن جہانی کہول آ کشمیر نا ویل ئِ ہرفنگ نا ہروڑنا کوشست کیک، پاکستان نا د اکوشست آک ستاکڑزرہ و غٹ کشمیری پاکستانی تا سیاسی ، جمہوری و اخلاقی کمکاری آ است انا ھب اٹ منت وارئُ۔ اومستی پارے کہ جہانی برادری و غٹ انسانی حق انا علمبردار تنظیم تے بھارتی فوج انا کشمیری تیا بیدادی ئِ توننگ اٹی بایدے گچین کڑد ادا کے تانکہ ڈیہہ ٹی امن نا اڈتننگ ممکن مننگ کے۔
