کوئٹہ۔ 06فروری (اے پی پی) وزیراعلیٰ بلوچستان نا ایڈیشنل پولیٹیکل سیکرٹری میر سیف الرحمان زہری پارینے کہ بلوچستان نا الس نا است مقبوضہ کشمیر نا مظلوم الس تون اوار دھڑکک، 5فروری یوم یکجہتی کشمیر آ گوادر آن ہلیس چمن و ڈیرہ بگٹی آن ژوب اسکان آجوئی کشمیر ریلی تیٹی زند انا غٹ تپہ غاتا خلقت نا جوق درجوق ساڑی مننگ کشمیری تتون مابت نا صفا ئُ شاہدی اسے،کشمیر نا ویل انا ایسر مننگ اسکان سویلی ایشیاٹی پائیدار امن اڈ ہلنگ کپک۔ داخیال آتا درشانی ئِ او مسلم لیگ (ن) یوتھ ونگ انا ڈل اتون ہیت وگپ کرسا کرے۔ میر سیف الرحمان زہری پارے کہ مقبوضہ کشمیر اٹی ہندوستان نا بیدادی و بربریت و انسانی حق انا خلاف ورزی تیا وزیراعظم محمد نواز شریف اقوام متحدہ نا فورم آ جہانی برادری نا مون آ کشمیری تا مقدم دوٹوک و سَفا وڑاٹ پیش کرے۔ اوپارے کہ کشمیری الس نا قربانیک زوت رنگ اس اتیرہ و کشمیر آجو مریک انتئے کہ بھارت وحشیانہ بیدادی و ہزار آ ورناتا شہیدی و نیاڑی تا عصمت دری نا باوجود کشمیری تا جہد آجوئی نا تحریک ئِ توننگ کتوس کشمیر ی تا قربانیک گم مفسہ و اودے مر اف ہراتم کشمیر پاکستان نا بشخ جوڑ مریک۔
