وزیر داخلہ چوہدری نثارعلی خان و وزیر دفاعی پیداوار رانا تنویر حسین اوتون اوار ئسر، آرمی چیف جنرل قمر جاوید باجوہ و پی او ایف نا چیئرمین لیفٹیننٹ جنرل عمر حیات خیرمقدم ئِ کریر
واہ۔ 06فروری (اے پی پی) وزیراعظم محمد نواز شریف پی او ایف براس مل انا اپ گریڈیشن نا بناءکن دوشنبے آ پاکستان آرڈننس فیکٹری نا دورہ ئِ کرے۔ وزیرداخلہ چوہدری نثارعلی خان و وزیر دفاعی پیداوار رانا تنویر حسین ہم اوڑتون اوار ئسر۔ چیف آف آرمی اسٹاف جنرل قمر جاوید باجوہ و پی او ایف نا چیئرمین لیفٹیننٹ جنرل عمر حیات وزیراعظم نا پی او ایف آ بننگ آ خیرمقدم ئِ کریر۔ اپ گریڈیشن آن پد براس مل انا پیداواری کچ 8 ہزار میٹرک ٹن آن ودسا 24ہزار میٹرک ٹن مسنے و دا سویلی ایشیا ٹی تینا وڑنا غٹ آن بھلا مل جوڑ مسنے۔ دا مل ملک انا دفاعی گرج آتے جوان وڑاٹ پورو کننگ ئِ۔
