وزیراعظم محمد نواز شریف پی او ایف اٹی برامل انا اپ گریڈیشن نا بنائِ کرے
براس مل سویلی ایشیاٹی تینا وڑنا غٹ آن بھلا مل جوڑ مس، وزیراعظم نا جنرل قمر جاوید باجوہ تون اوار مل انا کیہی بشخ آتا دورہ
مل ملکی دفاعی گرج آتے گچین وڑاٹ پورو و ودکی مصنوعات برآمد ہم کننگ ئِ، وزیراعظم ئِ بریفنگ
واہ۔ 06فروری (اے پی پی) وزیراعظم محمد نواز شریف دوشنبے آ پاکستان آرڈننس فیکٹری ٹی براس مل انا اپ گریڈیشن نا افتتاح ئِ کرے۔ اپ گریڈیشن آن پد پی او ایف نا براس مل سویلی ایشیاٹی تینا وڑنا غٹ آن بھلا مل جوڑ مسنے۔ وزیراعظم چیف آف آرمی اسٹاف جنرل قمر جاوید باجوہ تون اوار واہ براس مل انا کیہی بشخ آتا دورہ ئِ کرے براس مل انا پیداواری کچ داسہ 8ہزار میٹرک ٹن آن ودسا 24ہزار میٹرک ٹن مسنے۔ داوخت آ وزیراعظم ئِ مل انا بارواٹی بریفنگ تننگا ہرا 1954ءٹی اڈتننگاسس وزیراعظم ئِ پاننگاکہ مل ملک انا دفاعی گرج آتے گچین وڑاٹ پورو کننگ ئِ و ودکی مصنوعات برآمد ہم کننگ ئِ اودے پاننگاکہ پوسکن انگا مل انا معاملہ کار نا چاروکی ئِ باصلاحیت پروفیشنل نا ٹیم آک کننگ ئُ۔ وزیر داخلہ چوہدری نثارعلی خان و وزیر دفاعی پیداوار رانا تنویر حسین ہم وزیراعظم تون اوار ئسر۔
