اسلام آباد۔ 03فروری (اے پی پی) وزارت ڈٹ بندی و شونداری سرکاری بشخ انا شونداری پروگرام نا رداٹ کیڈ ڈویژن ئِ اسہ ارب 86کروڑ 72لکھ روپئی آن زیات نا فنڈ جاری کرے۔ حکومت اینخو مالی سال اٹی دا ڈویژن نا شونداری ڈٹ آتے کن 3ارب 56کروڑ روپئی آن زیات نا فنڈ جتا کرینے۔ پلاننگ کمیشن نا جاری کروک حساب وکتاب نا رداٹ مختصر خاہوت نا فلیٹ آتا جوڑ جاڑ کن 50 کروڑ، پاک سیکرٹریٹ اٹی مسیت نا گچینی کن 4کروڑ، پمز اٹی چلڈرن ہسپتال کن 5کروڑ 97لکھ، ایف الیون اٹی ہوم اکنامکس کالج کن 5کروڑ88لکھ، اسلام آباد نا تعلیمی بنجاتا زیبائی و اپ گریڈیشن کننگ کن اسہ ارب تون اوار کیہی شونداری ڈٹ آتے کن فنڈ جاری کننگانے۔
