اسلام آباد۔ 03فروری (اے پی پی) وزارت ڈٹ بندی و شونداری سرکاری بشخ انا شونداری پروگرام نا رداٹ ملک اٹی جان جوڑی نا آسراتی تے گچین جوڑ کننگ کن 9ارب 75کروڑ 96لکھ روپئی آن زیات نا شونداری فنڈ جاری کرینے۔ حکومت اینخو مالی سال اٹی داڈویژن نا شونداری ڈٹ آتے کن 24ارب 95کروڑ روپئی آن زیات نا فنڈ جتا کریسس۔ پلاننگ کمیشن نا جاری کروک حساب وکتاب نا رداٹ حکومت اسلام آباد اٹی کنگ حماد یونیورسٹی آف نرسنگ کن 31کروڑ 38لکھ، پرائم منسٹر نیشنل ہیلتھ انشورنس پروگرام کن 80کروڑ، صوبہ غاتا پاپولیشن ویلفیئر پروگرام کن اسہ ارب 54کروڑ، نیشنل پروگرام فیملی پلاننگ کن 2ارب 29کروڑ ، ای پی آئی پروگرام کن 4ارب 35کروڑ، ایم این سی ایچ پروگرام کن 2ارب 19 کروڑ تون اوار کیہی شونداری ڈٹ آتے کن فنڈ جاری کرینے۔
