اسلام آباد۔ 03فروری (اے پی پی) مسلم لیگ (ن) نا راہشون و پارلیمانی سیکرٹری دفاع چوہدری جعفر اقبال پارینے کہ پاکستان تینا تہہ نا معاملہ غاتیٹی بھارت نا نیام تمنگ ئِ سگپک۔ ریڈیو پاکستان تون ہیت وگپ کرسا او پارے کہ اوپارے کہ بھارت پاکستان ئِ بلیک میل کننگ کپک۔ پروپیگنڈا اٹ سرسہبی نا اومیت کننگ اونا غلط فہمی ئِ۔ اوپارے کہ سوات، وزیرستان ، بلوچستان و کراچی تون اوار ایلو شارتیٹی دہشت گرد آتا برخلاف کارروائی، کس اسے نا دزگیری و جاست و پاست پاکستان نا تہہ نا معاملہ اسے۔ حکومت پاکستان تینا پالیسی تے تینٹ جوڑ کیک و اوفتیا عملدرآمد کیک۔ بھارت نا بوز اٹ تہہ نا نیام تمنگ جوان لگپک انتئے کہ او تینٹ تہہ نا انتہاپسندی، اقلیت آتون ناروا سلوک و نیزگاری ٹی تموک ئُ ملک اسے وخت اس کہ اونا وزیراعظم مودی نا کیریئر ہی انتہاپسندی و شدت پسندی تون گنڈوک ئِ۔ چوہدری جعفراقبال پارے کہ بھارت چین و روس اتون تعلقداری تا خواہندار ئس ولے ہڑتوم آ ملک آک اودے ہچ اس ہتوس وخت اس کہ پاکستان تون چین و روس اناتعلقداریک جوان آن جوان مننگ ئُ، ارٹ میکو کنڈ ایران ہم روس چین پاکستان سہ کڑدہ ہی ورکنگ گروپ اٹی اوار مننگ نا عندیہ ئِ تسنے و داہیت آتے بھارت برداشت کپننگ ئِ۔ اوپارے کہ بھارت انتس کہ کہ اونا ہتھکنڈا غاک اونا کاریم بفسہ۔
