اسلام آباد۔ 03 فروری (اے پی پی) قومی اسمبلی ئِ پاننگانے کہ شناختی کارڈ تخوک آ پاکستانی شاری تا پن ہم مردم شماری ٹی ریکارڈ کننگک۔ مردم شماری نا بناء15مارچ آن مریک ہرا اِرا تو اٹی پورو مریک۔ جمعہ آ قومی اسمبلی ٹی وقفہ سوج آتیٹی بیگم طاہرہ بخاری نا سوج انا ورندی ٹی رانا افضل ایوان ئِ پارے کہ مردم شماری ٹی ہراخلقت نا شناختی کارڈ مفک اوفتے ہم ریکارڈ آاتنگک۔ اوپارے کہ پوسکن آمردم شماری و خانہ شماری 15مارچ 2017ءآن بناءکیک و دا عمل اِرا تو انا تہٹی پورو کننگک۔ اوپارے کہ شماریات نا کاریم کن 14ارب 50 کروڑ روپئی جتا کننگانے۔ اسپیکر قومی اسمبلی پارے کہ مردم شماری نا عمل مننگ والا ئِ و ہنداخاطران زیات آن زیات خلقت ئِ شناختی کارڈ نا اجرائِ باوری جوڑ کننگے۔
