اسلام آباد۔ 03 فروری (اے پی پی) مزن وزیر محمد نوازشریف ئَ گوشت کہ راجی دگ ئُُ موٹر وے راجی بن روتگ ئِ بستار ئَ اَنت، ایش چو ھون ئِ وڑ ئَ رگ اانی تہ ئَ تچ اَنت، ایشی ئَ چہ راجی یکوئی ئَ را دیمروئیرسیت، گستائی نزیکی ئَ مٹ بنت، تجارتی کاروان روگ ئُُ آیگ ئِ تہئَ بنت، معاشی چست ئُُ ایر آنی تہ ئَ گیشی کئیت۔ کراچی، حیدر آباد موٹروے ئِ جوڑیشت مئے سوگند آنی سرجمی ئِ بھر اَنت۔ دگ آنی جوڑیشت ئِ مول ئُُ مراد راجی یکوئی ئَ را گیشن مھکم کنگ اِنت، ما ملک ئِ دیمروئی دیگ ئِ واستہ نوکیں کوھنڈگ ئِ گوازینگ ئَ آں۔ حیدر آباد ئَ چہ سکھر ئَ تاں 6لائن موٹر وے جوڑ کنگ بیت۔ آدینگ ئِ روچ ئَ 75کلومیٹر کراچی ۔حیدر آباد موٹروے ئِ جوڑیشتی سیکشن ئِ بنگیجی دیوان ئَ گوں گشتانک دیان ئَ آئی ئَ گوشت کہ کراچی ئَ چہ پشاور شوک ئُُ جلواناکیں موٹروے ئُُ سڑک آنی یک دام ئِ چیر گیجگ بیت۔ مزن وزیر ئَ گوشت کہ سڑک آنی ارزشت ئَ پھمگ ئِ ھاترا اُلس ئَ گوں نزیکی المی اِنت۔ 1990ئِ کار برجا بو بوت اِنت گڈا مرچی کُنڈ کُنڈ ئَ موٹروے بوتگ اَت۔
