اسلام آباد۔ 02 فروری (اے پی پی) عوامی نیشنل پارٹی نا راہشون باسک قومی اسمبلی امیر حیدرخان ہوتی پارینے کہ امریکی صدر ڈونلڈ ٹرمپ ئِ 7مسلم ملک آتا الس آ پابندی نا فیصلہ ئِ پدی ہلوئی مریک۔ بھارت واک انا کمک اٹ کشمیری تا آجوئی تحریک ئِ توننگ کپک۔ پنچ شنبے آ پارلیمنٹ ہاﺅس نا پیشن میڈیا تون ہیت وگپ کرسا اوپارے کہ امریکہ ٹی تینٹ امریکی الس ڈونلڈ ٹرمپ نا فیصلہ غاتا برخلاف برانز کننگ ئُ وخت اس کہ ایلو یورپی ملک آک ہم امریکی صدر آ مسلمان تا برخلاف پابندی نا بابت تنقید کننگ ئُ اوپارے کہ مذہب نا پن آ ہچ گہس آ پابندی خلنگ مفک۔ امریکی صدر ئِ ہفت مسلم ملک آتا الس آ پابندی خلنگ نا فیصلہ ئِ پدی ہلوئی مریک۔ اسہ سوج اسے نا ورندی ٹی اوپارے کہ بھارت واک انا کمک اٹ کودک کشمیری تا حق خودارادیت کن توار ئِ توننگ کپک۔ بھارت ئِ بایدے مرے کہ او کشمیر نا ویل انا سیاسی و سفارتی ایسری کشمیری تا سلاہ نا رداٹ کشے۔
