اسلام آباد۔ 5مئی ( اے پی پی) مزن وزیر محمد نواز شریفئَ گشتگ انت کہ پاکستان مسلم لیگ (ن) ئِ حکومت فلاح عامہ ئِ ھاتر ئَ شپ ئُُ روچ کار کنگ ئَ انت، وسیلگ راج ئِ امانت انت یک یک پائی اُلس ئِ دیمروی ئُُ وشحالی ئِ سرا ھرچ کنگ ئَ انت۔ آئی ئَ اے گپ پاکستان مسلم لیگ (ن) ئِ باسک بنجاہی اسمبلی ناصر اقبال بوسال ( این اے 109)، ملک شاکر بشیر اعوان ( این اے 70)، ئُُ نجف عباس سیاسل ( این اے 91) ئِ گوں گپئُُ تران کنگ ئَ کرتگ آھاں پنچ شمبے ئَ مزن گِس ئَ آئی گوں جتا جتائیں گندئُُ نند کرت انت۔ سئیں باسک پارلیمان آں مزن وزیر ئِ گوں وتی حلقہ ئَ اُلسی مسئلہ، برجاہ دیمروی کار ئُُ سیاسی امور ئِ سرا ھیال ئُُ لیکھہ کرت انت ئُُ مزن وزیر ئَ گشت انتکہ اُلس آھانی دیمروی کار آنی سرجمیں حمایت کنت ئُُ آھانی سروکی ئُُ پالیسی ئِ سرا سرجمی ئَ بھروسہ داریت۔ مزن وزیر ئَ گشتگ کہ اُلس ئِ زندے ئِ بنیاتی آسراتی ئِ ھاتر ئَ ترجیحی بنیات آنی سرا وسیلگ دئیگ ئَ انت۔ اُلس ئِ زند آں آسانی آرگ ئِ ھاتر ئَ درستیں پاکستان ئَ پروگرام ئِ سرا تیز رفتاری ئَ کار برجاہ انت۔ مزن وزیر ئَ گشتگ کہ انشاءاللہ ملک ئَ امن ئُُ ایمنی ئِ بحالی، توانائی ئِ بحران ئِ ھلاسی ، پاک چین اقتصادی راہداری ئُُ انفراسٹرکچر ئِ منصوبہ آں ہمے رفتار ئَ برجاہ دارگ بیت۔
