پاکستان ءَ جہانی چیلنج، کساد ءُ دمگی کش ءُ چیل آنی باوجود 3.7درسد اقتصادی دیمروئی کتگ، وزیر خزانہ محمد اورنگزیب

اسلام آباد۔11جون  (اے پی پی): وفاقی وزیر برائے خزانہ ءُ آمدنی، محمد اورنگزیب ءَ گوشت کہ پاکستان ءَ مالی سال 2025-26 ءَ 3.7درسد ءِ مجموعی راجی پیداوار (جی ڈی پی) ءِ تہ ءَ گیشی ءِ شرح ءِ ھاترا اقتصادی استحکام ءُ مھکم ءِ درشان کتگ۔ بحران ءُ دمگی تناؤ ءِ سبب ءَ بوتگ۔ اے ھیالانی درشانی آئی ءَ پنچ شمبے ءِ روچ ءَ راجی اقتصادی سروے 2025-26 ءِ پیش کنان ءَ کت۔ وفاقی وزیر منصوبہ بندی، دیمروئی ءُ اصلاحات پروفیسر احسن اقبال، وفاقی وزیر اطلاعات ءُ نشریات عطا اللہ تارڑ ، وزیر مملکت مالیات ءُ ریلوے بلال اظہر، چیئرمین ایف بی آر، سیکرٹری مالیات، سیکرٹری اقتصادی امور ڈویژن ءُ مزنیں حکام ھم اے مراگش ءِ سر ءَ ھوار بوتگ اَنت۔ وزیر ءِ ھزانگ ءَ گوشت کہ اے سروے ایوک ءَ اعداد و شمار ءِ یکجاھی نہ اِنت بلکیں گوستگیں سال ءِ تہ ءَ پاکستان ءِ معیشت ءِ برجائی، ڈسپلن ءُ ریکوری ءِ کسہ اِنت۔ آئی ءَ گوشت کہ مالی سال ءِ بنداتی ءَ ملک ءَ جھان ءِ تجارتی کشیدگی ءُ تجارتی رکاوٹ آنی سبب ءَ سکیں مشکلیں جاور آنی سر ءَ دیم پہ دیم بوتگ ات۔ پد ءَ ملک ءَ مون سون ءِ ھئور ءُ سیلاب ءِ آماچ بوتگ ءُ دمگی کش ءُ چیل ءُ جغرافیائی سیاسی جاوراں ھم زور گیش کتگ۔ البت حکومت ءَ جوانیں حکمت عملی ءُ وھد ءِ سر ءَ اصلاحات ءِ وسیلگ ءَ معیشت ءَ را مھکم داشتگ۔ ھزانگ ءِ وزیر ءَ گوشت کہ گوستگیں لھتیں سال آنی تہ ءَ پاکستان کم کم ءَ معاشی مشکل آنی تہ ءَ چہ دراتکگ ءُ دیمروئی ءِ کشک ءَ رھادگ بوتگ۔ ملک ءِ معیشت 2023 ءَ 0.2درسد ءِ کمی بوتگ ءُ ایشی ءَ پد 2024 ءَ 2.6درسد ءُ 2025ءَ 3.2درسد ءِ شرح ءِ تہ ءَ گیشی بوتگ وھدے کہ گوزوکیں مالی سال ءَ اے شرح 3.7درسد ءَ سر بوتگ کہ گوستگیں چار سال آنی تہ ءَ گیشتریں شرح اِنت۔ آئی ءَ گوشت کہ پاکستان ءِ معیشت ءِ کساس راجدپتر ءِ تہ ءَ اولی رند ءَ 126.9کرب کلدار یا 452.1 ارب ڈالر ءَ سر بوتگ وھدیکہ سر کس ءِ آمدنی 1751 ڈالر ءَ چہ 1901 ڈالر ءَ سر بوتگ۔ آئی ءِ گشگ ءِ رد ءَ اے پیشرفت آبادی ءِ تہ ءَ بحال بوتگیں اعتماد ءُ جوانیں رجحانانی عکس اِنت۔ ھزانگ ءِ وزیر ءَ گوشت کہ سیلاب ءِ سبب ءَ بوتگیں تاوان ءَ چہ ابید ھاٹیگ ءِ شوبگ ءَ 2.89درسد دیمروئی رس اِتگ۔ فصل ءِ شعبہ ءَ جوانیں دیمروئی ءِ نیمگ ءَ واتر بوتگ وھدے کہ مائع اسٹاک ءَ وتی مھکمیں کارکردگی برجاہ داشتگ۔ آئی ءَ گوشت کہ کشت ءُ کشاری شوبگ ءِ کلیں پیداوار ءِ تہ ءَ لائیو سٹاک ءِ بہر نزیک ءَ 60درسد انت ءُ اے شوبگ راجی معیشت ءِ استحکام ءِ تہ ءَ مزنیں کردے پیلو کنگ ءَ انت۔ صنعتی شوبگ ءِ ھوالگ ءَ آئی ءَ گوشت کہ سرجمیں صنعتی شوبگ ءَ 3.51درسد ءِ گیشی بوتگ وھدیکہ مزنیں صنعت آنی تہ ءَ 6.11درسد ءِ مزنیں گیشی بوتگ۔ آئی ءَ گوشت کہ 22 صنعتی شوبگ آنی تہ ءَ 16 ءَ جوانیں کارکردگی ءِ درشان کتگ۔ فوڈ، ٹیکسٹائل، آٹوموبائل، پٹرولیم پروڈکٹس، الیکٹریکل ایپلائینسز ءُ ایندگر مینوفیکچرنگ ءِ شوبگ آنی تہ ءَ پیداوار ءِ تہ ءَ گیشی بوتگ کہ ایشی ءَ چہ کاروباری کار آنی تہ ءَ گہتری ءُ صنعتی اعتماد ءِ تہ ءَ گیشی ءِ درشان اِنت۔ آئی ءَ گوشت کہ میکرو اکنامک استحکام، زرّ ءِ شرح ءِ تہ ءَ استحکام، افراط زر ءِ تہ ءَ کمی ءُ کاروباری چاگرد ءِ تہ ءَ گہتری ءَ صنعتی دیمروئی ءِ تہ ءَ المی کرد پیلو کتگ۔ طلب ءِ اشارہ ہم اقتصادی سرگرمی ءِ اشارہ ءَ دنت۔ سیمنٹ ءِ لوٹ 10درسد، کھاد ءِ کارمرد 17درسد ءُ گاڑی آنی بہا کنگ ءِ تہ ءَ 31درسد گیشی ءِ گمان اِنت وھدے کہ پٹرولیم ءِ چیز ءُ موبائل فون ءِ کارمردی ءَ ھم مزنیں گیشی گندگ بیت۔ وزیر ءِ ھزانگ ءَ گوشت کہ سروسز سیکٹر ملک ءِ معیشت ءِ مستریں بھر اِنت ایشی ءِ بھر ءُ بانگ 58درسد ءَ چہ گیش اِنت۔ اے شوبگ ءَ گوزوکیں مالی سال ءَ 4.09درسد ءِ گیشی بوتگ وھدیکہ انفارمیشن ءُ کمیونیکیشن ءِ شوبگ ءَ 7.52درسد ءِ مزنیں شرح ءِ گیشی بوتگ۔ آئی ءِ رد ءَ اے رجحان ءِ رد ءَ پاکستان ءِ معیشت ءِ تہ ءَ ڈیٹا ءُ ٹیکنالوجی ءِ سر ءَ بنیات ءِ کار آنی کرد ءِ تہ ءَ مدام گیشی بوھگ ءَ اِنت۔ مالیاتی شوبگ ءِ کارکردگی ءِ سر ءَ چمشانک دیان ءَ آئی ءَ گوشت کہ حکومت ءَ مالیاتی نظم و ضبط برجم داشتگ، ایشی ءِ آسر ءَ مالیاتی خسارہ جولائی مارچ مالی سال 2026 ءِ ساھت ءَ جی ڈی پی ءِ 0.7درسد ءَ چہ کم بوتگ، گوستگیں سال ءِ ھمے وھد ءِ تہ ءَ 2.6درسد بوتگ۔ ھمے رنگ ءَ مالیاتی سرپلس 3.2درسد ءَ سر بوتگ۔ 10.7درسد ءِ گیشی ءَ پد کلیں سرکاری آمدنی 14.8کرب کلدار ءَ سر بوتگ وھدیکہ فیڈرل بورڈ آف ریونیو ءِ رسید آنی تہ ءَ ھم مزنیں کساسے ءَ گیشی بوتگ۔ آئی ءَ گوشت کہ سود ءِ ادائیگی ءَ 23درسد کمی بوتگ، ایشی ءَ چہ حکومت ءَ را دیمروئی ءُ چاگردی شوبگ آنی واستہ گیش مالی گنجائش رستگ۔ آئی ءَ گوشت کہ اے پیشرفت حکومت ءِ محتاطیں زرّی پالیشی ءُ اقتصادی اصلاحات ءِ آسر انت۔ مہنگائی ءِ ھوالگ ءَ وزیر ءِ ھزانگ ءَ گوشت کہ سرجمیں سال ءَ مہنگائی ءِ شرح کنٹرول ءَ بوتگ ءُ جولائی ءَ چہ اپریل ءَ تاں اوسط مہنگائی 6.2درسد ریکارڈ کنگ بوتگ۔ بلے میاں اوستمانی تک ءَ برجاھیں ناامنی، جھان ءِ مارکیٹ ءَ تیل ءِ نھاد ءِ تہ ءَ گیشی ءُ سپلائی چین ءِ جیڑھانی سبب ءَ گوستگیں ماھ آنی تہ ءَ یقیںن ءَ لہتیں زور بوتگ۔ دری شوبگ ءِ کارکردگی ءِ ھوالگ ءَ آئی ءَ گوشت کہ مالی سال 2026ءِ جولائی مارچ ءِ ساھت ءَ کرنٹ اکاؤنٹ ءَ 72ملین ڈالر ءِ سرپلس بوتگ وھدیکہ درملک ءَ پاکستانی آنی نیمگ ءَ چہ زرّ ءِ دیم دیگ 8.2درسد ءَ چہ گیش بوتگ ءُ 30.3ارب ڈالر بوتگ۔ آئی ءَ گوشت کہ مارچ 2026 ءِ گڈ ءَ تاں زرّ ءِ ذخیرہ 21.8ارب ڈالر ءَ سر بوتگ ایشی ءَ چہ زرّ ءِ شرح ءِ تہ ءَ استحکام ءِ برجائی ءَ کمک رستگ۔ ھزانگ ءِ وزیر ءَ گوشت کہ پاکستان اسٹاک ایکسچینج ءَ ھم جوانیں کارکردگی پیش داشتگ ایشی ءِ تہ ءَ کے ایس ای 100 انڈیکس ءَ 18.4درسد ءِ گیشی ریکارڈ کنگ بوتگ۔ آئی ءِ رد ءَ افراط زر ءِ تہ ءَ کمی، سود ءِ شرح ءِ تہ ءَ نرمی، اقتصادی اشاریہ آنی تہ ءَ گہتری ءُ سرمایہ کار آنی تہ ءَ گیشی ءِ سبب ءَ سرمایہ کاری مارکیٹ ءَ را مھکم کتگ۔ آئی ءَ گوشت کہ آئی ٹی ءُ ڈیٹا 8 معیشت پاکستان ءِ دیمروئی ءِ نوکیں ستون ءِ رنگ ءَ دیم ءَ آیگ ءَ اِنت۔ آئی سی ٹی ءِ برآمدات ءَ چہ زرّ ءِ دیم دیگ 19.7درسد ءَ چہ گیش بوتگ ءُ 3.38ارب ڈالر بوتگ، وھدے کہ فری لانسنگ ءَ چہ برآمدات ءِ آمدنی 51درسد ءَ چہ گیش بوتگ ءُ 856ملین ڈالر بوتگ۔ ھمے رنگ ءَ فوگ سپیکٹرم ءِ سوبمندیں بندات ءَ چہ 510ملین ڈالر ءِ کساس ءَ زرّ رستگ ءُ پاکستان ءِ ڈیجیٹل ٹرانسفارمیشن ءِ سفر ءِ تہ ءَ یک سنگ میل ءِ نشان اِنت۔ وزیر ءِ ھزانگ ءَ چاگردی شوبگ ءِ کارکردگی ءِ چار ءُ تپاسی کنان ءَ گوشت کہ وانندگی ءِ شرح 63درسد ءَ سر بوتگ، وھدیکہ اسکول آنی حاضری ءِ شرح 67درسد ءَ سر بوتگ۔ سرجمیں ملک ءَ وانگجاہ ءَ چہ دریں زھگ آنی کساس کم بوتگ ءُ میان استمانی عمر 67.8 سال ءَ سر بوتگ ءُ پیشگی گامگیج آنی احاطہ 73درسد ءَ سر بوتگ۔ آئی ءَ گوشت کہ حکومت شمولیت ءُ برجمیں دیمروئی ءِ وژن ءِ چیر دستی ءَ چاگردی رکھینگ ءِ پروگرام آناں گیش مھکم کنگ ءَ انت۔ مالی سال ءِ تہ ءَ گریب دوستیں ھرچ ءُ درچ 4.66 کھرب کلدار ءَ سر بوتگ وھدیکہ نزور ءُ مستحقیں تبک ءِ کمک ءَ را انکم سپورٹ پروگرام ءَ ھوار جتا جتائیں فلاحی اسکیم آنی وسیلگ ءَ برجاہ بوتگ۔ موسمیاتی مٹ ءُ بدلی ءِ ھترہ آنی بابت ءَ وزیر ءِ ھزانگ ءَ گوشت کہ پاکستان ءِ جہانی کاربن ءِ کشگ ءِ تہ ءَ یک درسد ءَ چہ کم بھر ءُ بانگ اِنت بلے ایشی ءِ باوجود موسمی مٹ ءُ بدلی ءَ چہ گیش آماچیں ملک آنی تہ ءَ ھوار اِنت۔ آئی ءَ گوشت کہ 2025 ءِ سلیب آنی سبب ءَ 822ارب کلدار ءَ چہ گیش تاوان بوتگ ءُ لاکھوں مردم آناں را متاثر کتگ، ایشی ءَ چہ موسم ءِ وش تر بوھگ، چاگردی رکھینگ ءُ برجمیں دیمروئی ءِ ارزشت ءَ را گیش گیش کتگ۔ وزیر ءِ ھزانگ ءَ وتی جزم ءِ درشان کت کہ حکومت اقتصادی استحکام ءِ برجائی، برآمدات ءِ تہ ءَ گیشی، سرمایہ کاری ءَ را دیمروئی دیگ، پیداواری ءِ تہ ءَ گیشی، روزگار ءِ موہ پیداک کنگ ءُ الس آنی زندمان ءِ تک ءُ پھنات ءَ را گہتر کنگ ءِ واستہ اصلاحات ءِ عمل ءَ را برجاہ دار ایت تانکہ پاکستان آیوکیں سال آنی تہ ءَ پائیدار ءُ ھواریں اقتصادی دیمروئی ءِ مول ءُ مراد آنی سر ءَ سر بہ بیت۔