گوزوکیں مالی سال ءِ تہا تعمیراتی شوبگ ءِ دیمروئی ءِ شرح ٹارگٹ   ءَ چہ 1.9درسد گیش بوتگ

اسلام آباد۔11جون  (اے پی پی): رواں مالی سال ءِ ساھت ءَ جوڑیشت ءِ شوبگ ءِ دیمروئی ءِ شرح ٹارگٹ ءَ چہ 1.9درسد گیش بوتگ۔ پنچ شمبے ءِ روچ ءَ ادا شنگ بوتگیں مالی سال 2025-26ءِ راجی اقتصادی سروے رپورٹ ءِ رد ءَ تعمیراتی شوبگ ءِ تہ ءَ دیمروئی ءِ شرح 5.7درسد بوتگ وھدیکہ اے شوبگ ءِ تہ ءَ دیمروئی ءِ ٹارگٹ 3.8درسد بوتگ۔ ھمے رنگ ءَ سروسز سیکٹر ءِ دیمروئی ءِ شرح ھم ٹارگٹ ءَ چہ 0.09درسد گیش بوتگ۔ رپورٹ ءِ رد ءَ رواں مالی سال ءِ واستہ سروسز ءِ شوبگ ءِ واستہ شرح ءِ دیمروئی ءِ ٹارگٹ 4درسد بوتگ بلے اے شوبگ ءَ 4.09درسد ءِ شرح ءِ دیمروئی ریکارڈ کتگ۔ رپوٹ ءِ رد ءَ ہول سیل ءُ ریٹیل ءِ شوبگ ءِ ھاتر ءَ دیمروئی ءِ ٹارگٹ 3.9درسد بوتگ وھدیکہ اے شوبگ ءِ تہ ءَ شرح دیمروئی 3.7درسد بوتگ۔