اسلام آباد۔ 02فروری (اے پی پی) پیپلزپارٹی نا راہشون باسک قومی اسمبلی شازیہ مری پارینے کہ مقبوضہ کشمیر اٹی بھارت کودک کشمیری تیا بیدادی ئِ کاٹم آن گدریفینے۔ جہانی فورم کشمیر نا بابت دہرا معیار ئِ تینا کرینے۔ پنچ شنبے آ پارلیمنٹ ہاﺅس نا پیشن میڈیا تون ہیت وگپ کرسا اوپارے کہ مقبوضہ کشمیر اٹی بھارت نا بیدادی نا اخس مذمت ئِ کننگے کم ئِ ، کشمیر نا ویل انا بابت اقوام متحدہ نا قراردادآک انت اکن چُپ ئُ۔جہانی امن و انسانی حق انا علمبردار ادارہ مقبوضہ کشمیر اٹی بھارتی بیدادی آ چپ انت اکن ئُ انت اوفتے مقبوضہ کشمیر اٹی بھارتی بیدادی نظر بفننگ ئِ اوپارے کہ مقبوضہ کشمیر نا ویل انا ایسری کن جہانی فورم دہرامعیار ئِ تینا کرینے۔ جہانی فورم نا چپی معنی خیز ئِ۔ اسہ سوج اسے نا ورندی ٹی اوپارے کہ امریکی صدر نا کنڈآن 7مسلم ملک آتا الس آ پابندی آن مسلمان و ایلو قوم تا نیام اٹ خارودک۔
