اسلام آباد۔ 02 فروری (اے پی پی) وزیر مملکت بنجائی تعلیم و کسبی تربیت بلیغ الرحمان پارینے کہ سرکاری بشخ انا یونیورسٹی تا انتظامی کنٹرول وزارت نا کنڈآن سنبھالنگ نا ہچ ئُ سلاہ اسے آ سجفپننگ انگ ئِ ، بنجائی حکومت غٹ سرکاری جامعہ غاتے کن فنڈ ایتک، کامسیٹس و ایچ ای سی نا نیام اٹ اسہ پروگرام نا اِرا ڈگری تا بابت اختلاف ئِ ہرا ننا نوٹس اٹی ئِ۔ پنچ شنبے آ قومی اسمبلی ٹی وقفہ سوج آتیٹی ڈاکٹر شازیہ صوبیہ نا سوج انا ورندی ٹی بلیغ الرحمان پارے کہ سرکاری بشخ انا یونیورسٹی تا انتظامی کنٹرول وزارت نا کنڈآن سنبھالنگ نا ہچ ئُ سلاہ اسے سجفپننگ انگ ئِ ، غٹ سرکاری جامعہ غاک میرٹ آ داخلہ تننگ نا پابند ئُ۔ قائد اعظم یونیورسٹی گدرینگوک آ کیہی سال آن پاکستان نا اولین درجہ نا جامعہ ئِ۔ بنجائی حکومت ملک انا غٹ سرکاری جامعہ غاتے کن فنڈ ایتک۔ بنجائی حکومت دا بجٹ اٹی دگناودکی کرینے۔ کامسیٹس و ہائر ایجوکیشن کمیشن نا نیام اٹ اسہ پروگرام نا اِرا ڈگری تا بابت اختلاف ئِ، او ننا نوٹس اٹی ئِ، دانا قائمہ کمیٹی و پی اے سی ہم نوٹس ئِ ہلکونے۔
