واشنگٹن ۔ 02اگست (اے پی پی) امریکی صدر ڈونلڈ ٹرمپ اسہ وار ولدا کشمیر نا ویل آ ثالثی نا پیش کش کرینے ۔ واءٹ ہاءوس اٹی پنچ شنبے نادے آ صحافی تتون گپ و تران اٹی اسہ سوج اسے آ امریکی صدر کشمیر نا ویل آ ثالثی نا کڑد ءِ ادا کننگ نا پیش کش نا اعادہ ءِ کرے ۔ اوپارے کہ کشمیر نا ویل انا ایسری نا سیبو بھارتی وزیراعظم نریندر مودی آٹے ۔ امریکی صدر وزیر اعظم پاکستان عمران خان و بھارتی وزیراعظم نریندر مودی تون تینا اوڑدہی تا حوالہ ءِ ترسا ہڑتوم آ راہشون تے شاندار شخصیت گوندا ۔ امریکی صدر نا پاننگ ئس عمران خان و نریندر مودی ہڑتوم آک کشمیر نا ویل ءِ ایسر کننگ کیرہ، ولے اگہ او خوارہ کہ دا ویل ءِ ایسر کننگ اٹ کس اس اوفتے تون کمک کے تو ای خوشی اٹ داڑکن تیار اُٹ، ای ہڑتوم آ ملک آتا راہشون آتون داچرجوئی ٹی ہیت وگپ کریسٹ ۔
