اسلام آباد۔ 31 جنوری (اے پی پی) تہی کارانی وزیر چوہدری نثار علی خان ئَ گوں سی پیک منصوبگ ئِ ھاترا جوڑ کتگیں اشپیشل سکیورٹی ڈویژن ئِ سربراہ میجر جنرل عابد رفیق ئَ سئے شمبے ئِ روچ ئَ اِدا گند ئُُ نند کُت ایشی ئِ تہ ئَ سی پیک منصوبگ ئِ تہ ئَ سکیورٹی جاور آنی چست ئُُ ایر ئِ بابت ئَ سرپدکُت ئُُ اشپیشل سکیورٹی ڈویژن ئِ بابت ئَ ھم ھیال ریچی ھمکُت۔ تہی کارانی وزارت ئِ نیمگ ئَ جاڑی بوتگیں ھال آنی رد ئَ گوشگ بوت کہ تہی کارانی وزیر ءگوشتگ کہ منصوبگ ئَ را سرجم ئُُ برجم کنگ ئِ ھاترا پاک آرمی، سول آرمڈ فورسز ئُُ ایس ایس جی ئِ اشپیشلیں سکیورٹی ڈویژن ئِ برجائی اے گپ ئَ سہرا کنت کہ سی پیک منصوبگ ئُُ ایشی ئَ گوں بندوکیں مردم سکیورٹی حکومت پاکستان ئِ بنداتی تجی اِنت۔ آئی ئَ گوشت کہ منصوبگ ئِ سکیورٹی ئِ بابت ئَ ایس ایس ڈی (اشپیشل سکیورٹی ڈویژن) ئِ توامیں ضلورت آناں سرجم کنگ بنت ئُُ حکومت ئِ توامیں ادارگ ئُُ محکمہ ایس ایس ڈی ئَ را ترجی دیگ ئِ بنیات ئَ کمک کن آں۔
