اسلام آباد۔ 05مئی (اے پی پی) چیئرپرسن بی آئی ایس پی ماروی میمن پارینے کہ بلوچستان اٹی کروک آ تدوک آ سروے سہی ہلوکہ و وزیراعظم محمد نواز شریف و وزیر خزانہ سینیٹر اسحاق ڈار نا پارت آتا رداٹ بلوچستان ئِ پوسکن سروے ٹی منصفانہ بنداو تیا اوار کننگک۔ داخیال آتا درشانی ئِ ماروی میمن بلوچستان نا علاقہ قلعہ سیف اللہ ٹی ہندی حکومت نا نمائندگان، شرفمند و بی آئی ایس پی نا حقدار آتا مچی آن تران نا وخت آ کرے۔ اوپارے کہ بلوچستان ننا اولیت آتے ٹی اوارے و حکومت دا ہیت ئِ باوری جوڑ کیک کہ بلوچستان نا اسہ حقدار نیاڑیس ہم بی آئی ایس پی نا مالی کمکاری آن محروم سلپ۔ ماروی میمن نواب ایاز خان و تعلقدار ہندی حکومت نا عہدیدار آتون اوار یوسی قلعہ سیف اللہ ، کلی کرکاران و عبدالکریزاٹی نظر انداز مروک آ نیاڑی تسکان رسینگ کن دورہ کرے۔ چیئرپرسن بی آئی ایس پی قومی راجی و اقتصادی رجسٹری ئِ اپ ڈیٹ کننگ نا بنائی مرحلہ نا اجراءآن مست حقدار آتسکان رسینگ نا مہم آٹی ئِ۔ او دا ہفتہ ٹی سکھر، جیکب آباد، نصیر آباد و ڈیرہ مراد جمالی نا دورہ ئِ کرینے۔ دُوارہ سروے کننگ نا نمان خصوصیات آتا وضاحت ئِ کرسا اوپارے کہ حقی نیزگار بندغ آتا حساب و کتاب نا ڈائریکٹری مننگ نا ناطہ، NSERمیرات نا حیثیت تخک۔ اپ ڈیٹ NSERموثر پالیسی سازی و نیز گار بندغ آتا پیدواری ٹی اہم کڑد ادا کیک۔ NSERاپ ڈیٹ اسہ چیلنج اسے و دا بابت آن بی آئی ایس پی نا ٹیم اومیت آتیا پورو سلک۔
