واشنگٹن۔ 20جولائی (اے پی پی) دری کارانی بنجاہی وزیر شاہ محمود قریشی ءَ گوشت کہ امریکا ءِ تہ نشتگیں پاکستانی مزن وزیر عمران خان ءَ را چارگ،گوشدارگ ءُُ نوکیں پاکستان ءِ وژن ءَ چہ سرپد بوھگ ءِ شوق ایر کنگ انت۔پنچ سال ءَ چہ ادا سمٹ لیول ءِ ہچ مراگش ءِ برجمینگ مہ بوتگ،ایشی آسر ءَ پاکستانی کمیونٹی ءِ وشی دیدنی انت۔امریکا ءِ تہ گوست ءِ تہ کمیونٹی دیوان بندماڑی ءَ بوتگ ات،پاکستانی کمیونٹی ءِ اے مچی راج دپتری ءُُ پرشانیں بیت۔مہ وت واکیں پاکستان ءِ کلوھ زرت اتکگ انت۔اے ھیالانی درشان آہاں کیپیٹل ون ایرینا واشنگٹن ءِ تروتاب ءُُ”کمیونٹی ایونٹ“ ءِ بند ءُُ بوج ءِ چار ءُُ تپاس ءِ موہ ءَ میڈیا ءَ گوں گپ ءُُ تران کنان ءَ کتگ ات۔اے موہ ءِ سرا سینیٹر عبداللہ ریار ءَ دری کارانی وزیر ءَ را کمیونٹی ایونٹ ءِ بند ءُُ بوج ءِ ھوالہ چہ سرجمیں سرپدی داتگ ات۔دری کارانی وزیر ءَ بند ءُُ بوج ءَ را تسلہ بخش گوشان ءَ گوشت کہ ڈن ملک ءَ نشتگیں پاکستانیانی فلاح ءُُ بہبود مئے حکومت ءِ اولی دلگوشی انت۔اے ھاترا مزن وزیر عمران خان ءَ وتی تروتاب ءِ تہ پاکستانی کمیونٹی ءَ گوں گند ءُُ نند ءَ را وتی مراگش ءِ تہ ھوار کتگ۔
