بنجائی وزیر کامران مائیکل نا کینیڈا نا مسیت آ دہشت گرد آتا جلہو نا مذمت

اسلام آباد۔ 30جنوری (اے پی پی) بنجائی وزیر انسانی حق سینیٹر کامران مائیکل کینیڈا نا کیوبک سٹی نا مسیت آ دہشت گرد آتا جلہو نا ترندی اٹ مذمت ئِ کرینے۔ تینااسہ مذمتی بیان اسے ٹی او پارے کہ دہشت گرد آک انسانیت نا دشمن ئُ و اوفتا مسخت راج اٹی انتشار تالان کننگ نا ئِ۔ بنجائی وزیر کامران مائیکل پارے کہ دہشت گردی اسہ ڈیہہ اسے نا آخا بلکن مچ آ دنیا نا اسیجائی ویل جوڑ مسنے۔ داوخت آ ننے غٹ ئِ تین پہ تینی اختلاف آتے گیرام کرسا اسہ پلیٹ فارم آ یکجا مننگ نا گرج ئِ۔ اودا جلہو اٹی کہوک آبندغ آتا خاہوت تون دلی ہمدردی کرسا پارے کہ مچ آ پاکستانی قوم داواقعہ غا غمزدہ ئُ، نن دہشت گردی ئِ چٹفنگ کن پرعزم اُن ، و او دے مر اف ہراتم نن یکجا مرسا و جامع حکمت عملی آن دانا مون ئِ تورینہ۔