خیبر ایجنسی ٹی پاکستانی چیک پوسٹ آ سیم پار دہشت گرد آتا سم کاری آن ٹھپی مروک آ پاک فوج انا ورنا شہید
راولپنڈی۔ 30جنوری (اے پی پی) خیبر ایجنسی ٹی پاکستانی چیک پوسٹ آ سیم پار آن دہشت گرد آتا سم کاری آن ٹھپی مروک آ پاک فوج انا ورنا وقاص شہید مس، سپاہی وقاص سیمی پیک پوسٹ آ ڈیوٹی آ سلوک ئس۔ پاک فوج انا شعبہ تعلقات عامہ(آئی ایس پی آر) نا کنڈآن دوشنبے آ داڑے جاری بیان نا رداٹ پاک فوج انا سروک جنرل قمر جاوید باجوہ لمہ وطن نا رکھ اٹی شہید مروک آ پاک فوج انا ورناوقاص ئِ خراج عقیدت پیش کرینے۔ شہید سپاہی نا نماز جنازہ ئِ کورہیڈکوارٹرپشاور اٹی دوشنبے آ ادا کننگا۔ کور کمانڈر لیفٹیننٹ جنرل نذیر احمد بٹ ، آئی جی ایف سی میجر جنرل شہیر مظہر محمود، چیف سیکرٹری خیبر پختونخوا وپاک فوج انا افسر و رناتا بھلو کچ اس نماز جنازہ ٹی ساڑی ئس۔ بیان نا رداٹ اوغان سیم آ اوغانستان نا کنڈآن سیکورٹی نا نزور بست و بند آن سیم پار دہشت گرد آک فائدہ ہرفنگ ئُ و سیم پار اوغانستان نا سائیڈ آ دہشت گرد آتا آزادانہ ہن و برآ نظر شاغنگ نا گرج ئِ۔
