اسلام آباد۔ 05مئی (اے پی پی) وزیر داخلہ چوہدری نثارعلی خان تون ایرانی سفیر مہدی ہنر دوست پنچ شنبے آ داڑے پنجاب ہاﺅس اٹی اوڑدہی کرے ہراٹی پاک۔ایران تعلقداری و کیہی بشخ آتے ٹی ہڑتوم آ کنڈآتا کمکاری آ ہیت و گپ کننگا۔ وزیر داخلہ پارے کہ ہڑتوم آ ملک آتا گچین تعلقداری، امن و ایمنی ٹی رخنہ اندازی و ڈیہہ ئِ نزور کروک آ عنصر آتا برخلاف اواری اٹ جہد کننگ نا گرج ئِ۔ اوپارے کہ پاکستان و ایران نا نیام اٹ طے شدہ معاملہ غاتے اوفتا تخوک آ ٹائم فریم اٹ عملی جامہ بیرفنگ کن اہداف آتا دوئی نا باقاعدگی اٹ جاچ ئِ ہلنگ بے حد المی ئِ۔ وزیر داخلہ پارے کہ بڑزکو کہولی دورہ غاتا نتیجہ ٹی اڈ ہلوک آ فضاآن استفادہ کرسا غٹ ایسر نا چاری معاملہ غاتا ایسر نا چرجوئی ٹی کوشست آتے پین ترند کروئی مریک۔ وزیر داخلہ ہڑتوم آ ملک آتا نیام اٹ منظم جرائم،انسانی سمگلنگ، غیر کانودی ہن و بر و منشیات نا توننگ کن سیم آتا چاروکی و معلومداری نا بروخت درشان نا نظام ئِ پین گچین جوڑ کننگ آ زورشاغار۔
