اسلام آباد۔ 30جنوری (اے پی پی) مسلم لیگ (ن) نا راہشون دانیال عزیز پارینے کہ عمران خان ایلوتیا دوبہ خلسا الس نا ذہن تے پراہ گندہ کننگ نا بے سہب کوشست کننگ ئِ۔ دوشنبے آ سپریم کورٹ نا پیشن میڈیا تون ہیت وگپ کرسا اوپارے کہ نن پی ٹی آئی نا دوبہ غاتون مون تننگ اُن، پی ٹی آئی پاناما کیس آن پوروی وڑاٹ اسہ پلو مسنے و داسہ مردہ غاتے کشسا تینا دوبہ غاتے سچ ثابت کننگ نا کوشست کننگ ئِ۔ وزیر خزانہ نا اعترافی بیان نا بابت اوپارے کہ اسحاق ڈار اودے غیر کانودی گوندانے و اسہ نجی ٹی وی اسے تون عمران خان تینٹ دا ہیت ئِ امنا کرینے کہ دا توفک نا نوک آ ہلوک ئُ بیان اسے۔ دانیال عزیز پارے کہ اسحاق ڈار و وزیراعظم عدالت آتیٹی مقدمہ غاتون مون تننگ ئُ ۔ اوپارے کہ جہانگیر ترین تینٹ ایس ای سی پی ٹی جمع کرفوک آ بیان اٹی تینا دروغ انا اقرار کرے کہ او غیر کانودی وڑاٹ پیسہ کٹیا کرے، خراج دُزی کرے ۔
