اسلام آباد۔ 05مئی (اے پی پی) وزیراعظم محمد نواز شریف پارینے کہ او ہمیش الس نا شرحالی کن خلوص نیت اٹ کاریم کرینے وحکومت نا بناءکروک آ شونداری ڈٹ آتا پوروی آن الس نا قسمت بدلینگک۔ اوداہیت ئِ مسلم لیگ ن نا راہشون پیر صابر شاہ تون پنچ شنبے آ وزیراعظم آفس اٹی ہیت و گپ کرسا کرے۔ اوڑدہی نا وخت شونداری و سیاسی معاملہ غاتیا ہیت و گپ مس، پیر صابر شاہ پارینے کہ وزیراعظم نا تینا شونداری ایجنڈہ نا بناءآ خیبر پختونخوا نا الس اٹی مقبولیت ودنگ ئِ۔ اوپارے کہ خیبر پختونخواٹی صوبائی حکومت کارکڑد نشان تننگ اٹی بے سہب مسنے و اونا نتیجہ ٹی صوبہ نا الس 2018 ءنا لس گچین کاری تے ٹی آئندہ خیبر پختونخواکن مسلم لیگ (ن) نا کنڈا اُننگ ئِ۔
