اسلام آباد۔ 29 جنوری (اے پی پی) وزیر مملکت اھوالکاری ئُُ شنگ کاری مریم اورنگزیب ئَ گوشت کہ عمران خان ئَ ملک ئَ را کباڑا کتگ، آئی ئِ گپ آں ملک ئِ ستیا ناس کتگ، سرجمیں دگنیا ئِ دلگوش گوں پاکستان ئَ اَنت، دگنیا ئِ ٹوھیں ٹوھیں ادارگ پاکستان ئِ دیمروئی ئِ گال ئَ کنگ ئَ اَنت، بلے عمران خان چکر ایت ئُُ گوشیت کہ پاکستان کباڑا اِنت، عمران خان ئِ جند ئِ سیاست ئِ ستیا ناس بوتگ، عمران خان وتی سیاسی لیکہ ئُُ گال آں ملک دژمنی گال مکنت۔ آ شپ رو کسد ئُُ کینگ دروگ بُرگ ئَ ابید اِچ نہ زانت۔ یک شمبے ئِ روچ ئَ جندی ٹی وی چینل ئَ گوں تران کنان ئَ آئی ئَ گوشت کہ عمران خان زوت دراج بُریں ویزا ئِ سر ئَ پاکستان ئَ چہ چتلو بوھگی اِنت۔ آئی ئَ گوشت کہ عمران خان ئَ را وتی ئِ گران بھائی ئَ کدی زانت، نوں گوشیت کہ انگستان ئَ آراکرکٹر بنائینتگ، عمران خان ئَ را اے گپ ئِ سک باز تُرس اِنت کہ آرا دِگہ اِچ ملک ئِ ویزہ نہ رسیت۔
