اسلام آباد۔29جنوری (اے پی پی ) وزیر ئِ مملکت اھوالکاری ئُُ شنگ کاری ئُُ راجی مڈی مریم اورنگزیب ئَ گوشت کہ مزن وزیر ئِ دلگوش تامُری پڑ ئَ را دیمروئی دیگ ئِ سر ئَ اِنتئُُ حکومت ئَ پاکستانی تامُر انڈسڑی ئِ دیمروئی ئُُ برجائی ئِ ھاترا بھارتی تامُر آنی چار ئُ تپاس ئُُ کیاس گری ئِ ھاترا استیں پالیشی آناں جاڑی دارگ ئِ پیسلہ کتگ۔ شمبے ئِ روچ ئَ وتی بیان ئِ تہ ئَ وزیر ئِ مملکت ئَ گوشت کہ مزن وزیر ئَ پاکستانی تامُر انڈسٹری ئِ جیڈھ آنی گیواری ئِ ھاترا یک کمیٹی ئِ تالان کتگ۔ ایشی ئِ تہ ئَ جیڈھ آناں گوں جھلانک ئَ تپاسگ ئِ ھاترا نامدار اِزمکار، پروڈیوسر ئُُ نماش کنوک آں ھوار توامیں شریکدار آناں دعوت داتگ۔ آئی ئَ گوشت کہ 1965ئَ بگر تاں انوگ آں اے گپ ئِ چیدگ رس اِتگ اَنت کہ بھارتی تامُر آں ھوار درملکی تامُر آنی نماش ئِ سبب ئَ پاکستانی تامُر ی پڑ ئَ جوانیں دیمروئی ئِ آسر سُہرا بوتگ اَنت۔
