اسلام آباد۔ 22 جون (اے پی پی) پاک بحریہ ءَ محفوظ جہاز رانی ءَ را سدکی جوڈ کنگ ءُُ میری ٹائم ءِ تک ءِ تہ معاشی کارانی ءِ تہ ودکی ءِ جزم ءِ درشان کتگ۔ربالکار پاک بحریہ ءِ گوشگ ءِ ردا پاک بحریہ ءِ تہ 21جون ءَ ہائیڈرو گرافی ءِ میاں اوستمانی روچ گوازینگ بوتگ۔ ہائیڈرو گرافک کار قومی معیشت ءِ تہ سوگو ءِ ودکی ءِ شریں وسیلگ انت۔ میرین ءُُ میر ی ٹائم سیکٹرءِ ملکی اقتصادی دیمروئی ءِ ھاسیں کردانت۔ پاکستان ءِ تہ مچ بیئپار ءِ تہ سمندر ی راھ ءُُ جہاز رانی ءِ ھاسیں کرد انت۔ربالکار ءَ گوشت کہ پاک بحریہ جہاز رانی ءَ را سدکی جوڈ کنگ ءُُ میری ٹائم سیکٹر ءِ تہ معاشی کارانی تہ ودکی ءِ جزم ءِ درشان کتگ۔ربالکار ءَ گوشت کہ پاکستان نیوی ہائیڈرو گرافک ڈیپارٹمنٹ ءَ پاکستان ءِ کانٹینینٹل شیلف ءِ ودکی ءِ تہ ھاسیں کرد ادا کتگ ایشی ءَ چہ ملک ءَ را 50ہزار مربع کلومیٹر ءِ سمندرءِ تہ ودکی دمگ زرتگ انت۔ ہائیڈرو گرافی ءِ میاں اوستمانی روچ ءِ درگت ءَ پاک بحریہ ءَ ہائیڈرو گرافک کارانی باروا یک ویڈیو ھم جاڑی کتگ۔
