اسلام آباد۔ 28 جنوری (اے پی پی) پاکستان ئَ ازبکستان ئِ سفیر فرقت صدیقوف ئَ گوشتگ کہ پاکستان ازبکستان ئِ گوما دلیکیمی شریداری اِنت، دوئیں ملک آنی نیام ئَ جھلانکیں ئُُ وشیں تجارتی، اقتصادی ئُُ دود ئُُ ربیدگی یکوئی ئِ سر ئَ برجا اِنت، ایمنیں اوگانستان ازبکستان ئُُ پاکستان ئَ ھوار سرجمیں پڑ ئِ نپ ئَ اِنت۔ ازبکستان ئِ اولی صدر اسلام کریموف ئِ ودی بوھگ ئِ روچ ئِ رد ئَ برجم داشتگیں دیوان ئَ گشتانک دیان ئَ ازبک سفیر ئَ گوشت کہ پاکستان ئِ جوانیں تجارتی ئُُ دلیکیمیں پاٹنر لیک ایت۔ دوئیں ملک آنی نیامئَ تجارتی، اقتصادی ، دود ئُُ ربیدگی ئُُ ایندگہ شوبگ آنی تہئَ دو نیمگی کمک تُرندی ئَ دیمروئی ئِ نیمگ ئَ جنزگ ئَ اِنت۔
