اسلام آباد۔ 27جنوری ( اے پی پی) مزن وزیر محمد نواز شریف ئَ گشتگ انت کہ باندات ئَ معاشی پڑ ئَ باز سکیں مقابلہ ئِ دیمپانی بیت۔ نوکیں علومئِ سرا دیان نہ دات انت گڑا ماں دگنیا ئِ مقابلہ کرت نہ کن انت۔ درستیں ملک ئِ وانگی ادارگ ئَ نوکیں آسراتی ئُُ نو در بر آں نوکیں علم دئیگ بہ بیت۔ آ جمعہ ئَ مزن وزیر کار گِس ئَ 21می کرنئِ ھاتر ئَ پاکستان ئِ تیاریئِ موضوع ئِ دیوان ئَ ھیال آنی درشانی کنگئَ ات۔ دیوانئِ بندئُُ بست پاکستان الائنس فارمیتھ اینڈ سائنس ئَ گشتگ ات ئُُ ایشی ئَ بنجاہی وزیر پیٹرولیم ئُُ قدرتی وسیلگ شاہد خاقان عباسی، بنجاہی وزیر فوڈ سیکورٹی سکندر حیات بوسن، مزن وزیر ئِ معاون ھاس برائے امور خارجہ طارق فاطمی، وزیر برائے سرمایہ کاری مفتاح اسماعیل ئَ ابید باسک اسمبلی، زانتکار وانگئُُ زانگ ئُُ در سرکاری تنظیم آنی نمائندگ آں مزنیں کساس ئَ بہر زرت انت۔ مزن وزیر محمد نواز شریف گشتگ کہ وانگ ئِ موضوع باز ارزشت داریت ، ریاضی ئُُ سائنس مئے ھاتر ئَ بیگانہ گہتری نہ، اے علوم ئِ روتگ باز سک انت، باندات ئِ دار ئُُ مدار ہمے وانگئُُ زانگ ئِ سرا انت، آئی ئَ گشتگ کہ ماں انچیں خطہ ئَ سیادی دار انت آئی ئِ تہذیب ئُُ ورثہ کرن آنی کہن انت ئُُ اے تذیب لہتیں علوم ئَ مہارت دارگ ئَ ات انت۔ آئی ئَ گشتگ کہ دگنیا ئَ جہالت ئِ تارمئی ھلاس کنگ ئِ ھاتر ئَ نبی کریم ﷺ ئِ ظہور بوتگ۔ طبیعات، ریاضی، حیاتیات ئِ ھواری ئَ لہتیں شعبہ ئَ بو علی سینا، البیرونی، جابر بن حیان چوشیں سائنسدان آں سائنسی وڑ ئَ پکر ئِ بنیات ایر کرتگ۔ اسلامی تہذہب ئُُ تمدن ئَ اے زانتکاری ئِ کرد منتگ۔ آئی ئَ گشتگ کہ برصغیر ئِ مسلمان آنی سیاسی بیداری ئَ ہم علمی راھشون آنی ھاسیں کرد انت، سر سید احمد خان ئَ بگر قائد اعظم ئَ کل آں چہ علمی ئُُ سیاسی پڑ ئَ مسلمان آں بیدار کرتگ ئُُ مرچی ماں پاکستان ئِ آزاد فضا ئَ سانس گرگ ئَ انت، مزن وزیر ئَ گشتگ کہ گوست ئَ حکومت وانگی شعبہ ئِ سرا مطلوبہ دیان دات نہ کرت انت۔ آئی ئَ گشتگ کہ مارا وتی زاھگ آنی ھاتر ئَ لائحہ عمل جوڑ انت ئُُ اے سلسلہ ئَ غفلت ئِ مظاہرہ کرتگ گڑا تاریخ مارا معاف نہ کنت۔ مزن وزیر ئَ گشتگ کہ دگنیا چارمی صنعتی آشوب ئِ تیاری کنگ ئَ انت، ریاضی ئُُ سائنس ئِ ہر نیمگ ئَ چرچا انت، دگنیا نوکیں ایجاد آں دست گٹ انت، آﺅکیں وھد ئَ معاشی میدان ئَ سک مقابلہ بیت، مئے سوچ ئِ وڑ ئَ سائنسی نہ بیت گڑا دگنیا ئِ مقابلہ کرت نہ کن انت۔ دقیا نوسی سوچ ئَ دیما شت نہ کن انت، گوستگیں حکومت ئَ ورنا آں نوکری ئِ واب نشان دئیگ، مئے رُژن پاکستان ئِ واب میٹرک ئَ وانگ یا نوکری آں محدوم نہ بلکں اے نوکیں نسل ئَ تخلیقی گہتری ئِ دیمروی ئِ ذریعہ ئَ آھاں دیما کنگ ئُُ سروک سروکی ئِ موہ دئیگ انت۔ مزن وزیر ئَ گشتگ کہ مئے باندات ئِ دار ئُُ مدار سائنس ئُُ ریاضی وانگ ئِ سرا انت، آئی ئَ گشتگ کہ بنجاہی دارالحکومت ئِ درستیں سکول آں نوکیں آسراتی دئیگ ئَ یقینی جوڑ کرت بہ کن انت اے سلسلہ ملک ئِ کونہ کونہ ئَ تالان بیت۔ نوکیں نسل ئِ نوکیں علوم ئَ آراستہ کنگ بہ بیت۔ آئی ئَ گشتگ کہ سیاسی مصلحت آں زیات بوھگ ئَ ریاضی ئُُ سائنس چشیں مضمون آنی وانگ ئِ معیار برز کنگئِ ھاتر ئَ ملک کار کنگ بیت۔ زاھگ آنی باندات ئِ ھاتر ئَ یکجا کار کنگ بیت۔ آئیئَ وزارت کیڈ ئُُ صوبائی حکومت آں پنت ئُُ شون ئِ ریاضی ئُُ سائنس ئِ وانگ ئِ ھوالہ ئَ مرچی پیش کنوکیں رپورٹ ئِ چار ئُُ تپاس گیت ئُُ ایشی ئِ سفارشت ئَ زانگ ئُُ آئی ئِ سرا عملدآمد ئِ ھاتر ئَ حکمت عملی کن انت، دیما ڈاکٹر صبیح انور، ڈاکٹر کلثوم حیات، مشرف زیدی، جبران سیٹھی ئُُ شہزاد رائے ئَ ہم دیوان ئَ تران کرتگ ئُُ ریاضی ئُُ سائنسی ئِ وانگئِ ھوالہ ئَ چھاپ ئُُ شنگ بوﺅکیں رپورٹ ئِ ھیالانی درشانی کرتگ۔
