کوئٹہ۔ 27جنوری (اے پی پی) سر وزیر بلوچستان نواب ثناءاللہ خان زہری ئِ پنت ئُُ شونئِ سرا بلوچستانئِ درستیں ضلع آن ساڑی ھورئُُ برفباری ئَ پد سروے ئِ کار بندات کرتگ انت ئُُ درستیں ہمگرنچ کمشنر ئُُ ڈپٹی کمشنر آں وتی وتی ضلع آں جانی ئُُ مالی تاون ئِ سرجمیں رپورٹ دیم دئیگ ئِ پنت ئُُ شون کرتگ انت۔ ساڑی ھور ئُُ بارباری ئَ بلوچستان ئِ درستیں ضلع آماچ انت پدا ہم قلات، کوئٹہ ئُُ ژوب ڈویژن کل آں زیات آماچ انت، ڈپٹی کمشنر ئِ نیمگ ئَ صوبہئِ درستیں ضلع آں وتی چیر دست آفسر آں سروے ئِ ھاترئَ حکم برجاہ کرتگ انت کہ آ وتی وتی دمگ آں سرجمی ئَ رپورت بہ کن انت، ڈپٹی کمشنر ئِ توسط ئَ سرجمیں رپورٹ صوبائی حکومتئُُ پی دی ایم اے ئَ دیم بہ دئیت آئیئِ ردا پی ڈی ایم اے تاوان آنی ھلاسی ئِ ھاتر ئَ کمکی چیز آھاں وردن، کمبل، تمبو، رزان ئُُ نقدی ھوار انت آماچ آں بہر ئُُ بانگ کنگ ئِ ھاترئَ کام گیج بہ کنت سر وزیر بلوچستان نواب ثناءاللہ خان زہری ئُُ صوبائی وزیر پی ڈی ایم اے سر فراز بگٹی ئَ امدادی سامان آنی ساپ ئُُ پلگار ی ئَ ھوالہ ئَ سکی ئَ پنت ئُُ شون برجاہ کرتگ انت تکہ حق دار آماچ آں امداد دئیگ ئَ یقینی جوڑ بہ کن انت، آئی ئَ اے گپ ئِ ہم سکی ئَ پنتئُُ شون کرتگ انت کہ امدادی سامان اانی بازار ئَ دیمروی دئیگ ئِ یک ئَ ہم موکل دئیگ نہ بیت۔ میڈیا ئَ اے ھوالہ ئَ سرجمی ئَ کمک ئِ دست بندی کرتگ انت تنکہ گوست ئِ وڑ ئَ کمکی چیز آنی مارکیٹ آں بہا مہ کن انت۔
