اسلام آباد۔ 27جنوری (اے پی پی) قومی اسمبلی ٹی پنچ شنبے آ پیش بروک آ ناخوشگوار واقعہ غان پد جمعہ آ دیوان نا کارروائی ئِ پد بٹنگا۔ جمعہ آ قومی اسمبلی نا دیوان اسپیکر سردار ایاز صادق نا تخوک آ وخت آ بناءکرے۔ تلاوت کلام پاک و نعت رسول مقبول ؑ آن پد اسپیکر سردارایاز صادق پارے کہ تدو ک آدے ہرا واقعہ ایوان اٹی پیش بسنے او افسوزناک ئِ۔ ایوان اٹی قائد ایوان و باسک آتا بارواٹی ہرا نازیبا لوز آتے کاریم اٹ اتنگا اوفتیان ایوان نا تقدس مجروح مسنے۔ داوڑاٹی ایوان چلینپک۔ اوپارے کہ او پارلیمانی لیڈر آتا دیوان ئِ بٹنگسا دابابت ضابطہ اخلاق اس مرتب کیک ہراڑآ او دیوان ئِ ملتوی کرے۔ داکان پد پینل آف چیئرپرسن نا باسک محمود بشیر ورک دیوان نا کماشی ئِ کرسا دیوان ئِ دوشنبے نا بیگہ نا 4بجہ اسکان ملتوی کرے۔
