اسلام آباد۔ 27جنوری (اے پی پی) پارلیمانی سیکرٹری کابینہ ڈویژن رانا افضل پارینے کہ پاکستان تحریک انصاف پارلیمنٹ و جمہوریت آ باورکپک۔ شاہ محمود قریشی تدوک آ دے ایوان اٹی غیر پارلیمانی رویہ اختیار کرے۔ جمعہ آ پارلیمنٹ ہاﺅس نا پیشن میڈیا تون ہیت وگپ کرسا اوپارے کہ پاکستان تحریک انصاف نا قومی اسمبلی نا باسک بھاز زوت پارلیمنٹ آن استیفہ ترسا روڈآتیا بننگ نا ارادہ تخک دا اسٹ انگا جماعت ئِ ہرا پارلیمنٹ و جمہوریت آ باورکپک، اوپارے کہ پارلیمنٹ نا باسک آتیٹی صبروتحمل بایدے مرے اگہ کسس کرینگ ایتک تو اونا ورندی ئِ پارلیمانی وڑاٹ بایدے تننگے۔ اوپارے کہ تدوک آدے شاہ محمود قریشی ایوان اٹی غیر پارلیمانی رویہ اختیار کرے ہرا سہی اف۔
