اسلام آباد۔ 27جنوری (اے پی پی) اطلاعات و نشریات نا پارلیمانی سیکرٹری بیرسٹر محسن شاہ نواز رانجھا پارینے کہ پاکستان نا سیاست اٹی انتہاپسندی نا بناءنا زموار پاکستان تحریک انصاف ئِ ۔ پاناما کیس عدالت اٹی زیر سماعت ئِ داوخت آ وزیراعظم نا برخلاف تحریک استحقاق اتنگ مفک۔ جمعہ آ پارلیمنٹ ہاﺅس نا پیشن میڈیا تون ہیت وگپ کرسا اوپارے کہ پارلیمنٹ اٹی ہڑدڑنا مذمت ئِ کینہ۔ کرینگ تننگ غلط زبان ئِ کاریم اٹ اتنگ افسوزناک ئِ۔ اوپارے کہ ایوان اٹی غٹ باسک آک تعلیم یافتہ ئُ اگہ اپوزیشن نا بینچ آتیان باسک آک ہیت کیرہ تو حکومتی بنچ آتیان ہم باسک آتے ورندی تروئی مریک دُن مفک کہ اپوزیشن والاک تقریر کیر و حکومت بنچ آتیان باسک آک چپ سلر۔ اوپارے کہ پاناما کیس سپریم کورٹ اٹی زیر سماعت ئِ عمران خان عدالت آ زورشاغنگ کن سہب انا نہہ بجہ غا میڈیا غا تقریر نا بنائِ کیک ، اسہ سوج اسے نا ورندی ٹی اوپارے کہ قومی اسمبلی نا باسک آتے ضابطہ اخلاق آ عمل کننگ و غیر پارلیمانی زبان ئِ کاریم اٹ اتنگ آن پاناد کیر۔
