مکہ المکرمہ ۔ 01جون (اے پی پی)) سعودی عرب نا فرمانروا خادم الحرمین الشریفین شاہ سلمان بن عبدالعزیز آل سعود پارینے کہ القدس نا تاریخی و کانودی دروشم ءِ نسخان تننگ نا موکل تفننگک ۔ مکہ معظمہ ٹی برجا اسلامی سرکڑدہ ہی دیوان آن تران اٹی سعودی فرمانروا اومیت پاش کرے کہ او آئی سی نا سروک دیوان عالم اسلام ن است خواہی تا ترجمان ثابت مریک ۔ اونا پاننگ ءِ کہ فلسطین نا ویل انا ایسری اونا اولیت ءِ و عالم اسلام مقبوضہ بیت المقدس نا تاریخی و کانودی دروشم ءِ نسخان تننگ نا موکل تفک ۔ اسلامی کمکار تنظیم نا 14می سروک دیوان اٹی بنائی تران اٹی خادم الحرمین الشریفین شاہ سلمان بن عبدالعزیز پارے کہ کانفرنس اٹی ساڑی مسلمان ملک آتا الس نا شونہالی و شونداری کن دا دیوان اہم ثابت مریک ۔ اوپارے کہ فلسطین نا منصفانہ ایسری سعودی عرب نا اولی اولیت ءِ ، نن ہمووخت اسکان فلسطینی تا حق انا دوئی کننگ نا مخ تفی ءِ برجاتخنہ ہراوخت اسکان اوفتے منصفانہ وڑاٹ اوفتا حق ءِ تننگپک ۔ شاہ سلمان بیت المقدس نا تقدس ءِ نسخان تننگ نا غٹ کوشست آتے مسترد کرینے و پارینے کہ عالم اسلام القدس ءِ نسخان تننگ کن الیپک ۔
