اسلام آباد۔24مئی (اے پی پی) پاک بحریہ ءِ سروک ایڈمرل ظفر محمود عباسی ءَ گشتگ کہ پاک بحریہ پاکستان ء ِ بحری سیمسرانی دیمپانی ھاترءَ ہر وہدءَ ساڑی اَنت، مسلمان آں دائم ءَ دژمن ءِ حلاپ ءِ جنگءَ اللہ تعالیٰ ءِ سرءَ یقین پکہ اِنت۔ آ جمعہءِ روچءَ پاکستان نیوی وار کالج لاہورءَ 48می پی این اسٹاف کورس ءِ کانووکیشن ءَ گوں تران کنگ ءَ بوتگ۔ کانووکیشن ءِ حاسیں مہمان پاک بحریہ ءِ سروک ایڈمرل ظفر محمود عباسی ءَ پاک بحریہ ءِ 64وہدے پاک آرمی ءِ 3ء ُ پاک فضائیہ ءِ 5آفسرآں ماسٹرز ان وارسٹیڈیز (میری ٹائم) ءِ ڈگری داتگ۔ گریجویٹنگ آفیسر آں 16دوست ملک آنی 23درملکی آفیسر ہوار بوتگ اَنت کہ پاکستان ءِ میاں اوستمانی ملک آں گوں جوانیں سیادی ءِ درشانی اِنت۔ پاک بحریہ ءِ سروک ءَ ڈگری حاصل کنوکیں والیگریجویٹنگ آفیسرآ ں ہوار درملکی آفیسرآں مبارک باد داتگء ُ گشتگ کہ گریجویٹنگ آفیسر ز راستیء ُ جدوجہد بہ کن اَنت۔ آئیءَ نیجیو اسٹریٹیجک انوارِمنٹء ُ خطہ ءِ انوگیں جاورحال ءِ سرءَ چمشانک داتگ۔
