نائب  مزن وزیر ءُ دری کارانی وزیر اسحاق ڈار ءَ مقدس تخت ءِ کارندہ پال رچرڈ گالاگر ءَ گوں گند ءُ نند کتگ ءُ پرامن ہمزوری ءِ دیمروئی ءِ جزم ءِ  درشان

اسلام آباد۔9اکتوبر  (اے پی پی): رومن کیتھولک چرچ ءُ ویٹیکن سٹی ءِ مرکزی انتظامیہ ءِ ملک ءُ میاں اوستمانی تنظیم آنی گوما سیادی ءِ سیکرٹری آرچ بشپ پال رچرڈ گالاگر ءَ وزارت ءِ درئی کار ءَ نائب مزن وزیر ءُ درئی کارانی وزیر سینیٹر محمد اسحاق ڈار ءَ گوں گند ءُ نند کت۔ گند ءُ نند ءِ تہ پاکستان ءُ مقدس تخت ءِ نیام ءَ سیادی ءَ را گیش مھکم کنگ ءُ مذہب آنی نیام ءَ وت مہ وتی احترام، تپاکی ءُ پرامن یکوئی ءَ را دیمروئی دیگ ءِ جزم ءِ سر ءَ پدا زور پر دیگ بوت۔ درئی کارانی کارگس ءِ جارکش ءِ نیمگ ءَ جاڑی بوتگیں بیان ءِ رد ءَ نائب مزن وزیر ءُ وزیر ءِ درئی کار ءَ آرچ بشپ ءَ را وش آتک کتگ ءُ امن ، بین المذاہب یکوئی ءُ گپ ءُ تران ءِ دیمروئی ءِ تہ ءَ مقدس کرسی ءِ کرد ءَ را ساڑاتگ۔ آئی ءَ پاکستان ءِ کیتھولک کمیونٹی ءِ ھاسیں رنگ ءَ وانگ ءُ زانگ ءُ جان سلامتی ءِ شوبگ ءَ ارزشتی ایں ازمت آناں ھم ساڑات۔ آرچ بشپ گالاگر ءَ ثالثی، گپ ءُ تران ءُ سفارتکاری ءِ وسیلگ ءَ دمگی امن ءُ ایمنی ءِ دیمروئی ءِ تہ ءَ پاکستان ءِ جوڑیشت ءِ کرد ءَ را ساڑات۔ نائب مزن وزیر ءُ دری کارانی وزیر ءَ پوپ لیو چہارم ءِ امن ءُ فلسطین ءِ جیڈھ ءِ انصاف ءِ گیواری ءِ ھاتر ءَ اصولی لوٹ آناں ساڑات ءُ فلسطین ءِ اُلس ءِ گوما پاکستان ءِ بے مٹیں یکوئی ءِ پدا زور دات۔ دوئیں رہشوناں برجاھیں انسانی بحران ءِ سر ءَ سک باز جیڈھ ءِ درشانی کتگ ءُ دمگ ءَ امن ءِ دیمروئی ءِ واستہ برجاھیں میاں اوستمانی کوشست آنی ارزشت ءِ سر ءَ زور پر داتگ۔ دوئیں نیمگ ءَ پاکستان ءُ مقدسیں کرسی ءِ نیام ءَ سیادی ءَ را گیش مھکم کنگ ءُ مذہب آنی نیام ءَ وت مہ وتی احترام، درک ءُ ایمنی ءِ گوما یکوئی ءِ دیمروئی ءِ واستہ وتی جزم ءِ پدا پدر کت۔ آرچ بشپ پاکستان ءِ تر ءُ تاب ءَ انت تانکہ پاکستان ءُ ہولی سی ءِ نیام ءَ سفارتی سیادی ءِ 75می سالروچ ءِ مراگش ءَ بہر زورگ ءَ انت۔