پاکستان ءُ بحرین ءِ نیام ءَ نزیکیں دو نیمگی سیادی دوئیں ملک آنی الس ءِ واستہ ٹھوس آسراتی آنی تہ ءَ بدل کنگ بہ بنت، اسحاق ڈار

اسلام آباد۔9اکتوبر  (اے پی پی):  نائب مزن وزیر ءُ درئی کارانی وزیر سینیٹر محمد اسحاق ڈار ءَ بحرین ءِ گوما پاکستان ءِ دیریں ءُ برات ءِ سیادی ءِ ارزشت ءِ سر ءَ زور پر دات کہ دوئیں ملک آنی الس ءِ واستہ نزیکیں دو نیمگی سیادی آناں ٹھوس آسراتی آنی تہ ءَ بدل کنگ بہ بیت، وھدے کہ منی بحرین ڈاکٹر عبداللطیف بن راشد الزیانی   ءَ دو نیمگی دری کارانی تہ ءَ دو نیمگی سیادی ءِ سر ءَ زور پر دیگ بوتگ۔ بحرین ءِ دو نیمگی سیادی ءَ را گیش مھکم کنگ ءُ جتا جتائیں پڑ آنی تہ ءَ کمک ءَ را گیش کنگ ءِ جزم ءِ سر ءَ پدا زور دات۔ درئی کارانی کارگس ءِ جارکش ءِ نیمگ ءَ چہ جاڑی بوتگیں بیان ءِ رد ءَ بحرین ءِ دری کارانی وزیر ڈاکٹر عبداللطیف بن راشد الزیانی ءَ نائب مزن وزیر ءُ درئی کارانی وزیر سینیٹر محمد اسحاق ڈار  ءِ دعوت ءِ سر ءَ 7 ءُ 8 اکتوبر 2026 ءَ پاکستان ءِ سرکاری تر ءُ تاب کتگ۔ تر ءُ تاب ءِ ساھت ءَ آئی ءَ نائب مزن وزیر ءُ دری کارانی وزیر ءِ گوما وت مہ وتی گپ ءُ تران کت، وھدیکہ صدر ءُ مزن وزیر ءَ گوں ھم گند ءُ نند کت۔ آئی ءَ چیف آف آرمی اسٹاف  ءُ  چیف آف ڈیفنس فورسز  ءَ گوں ھم گند ءُ نند کتگ۔ نائب مزن وزیر ءُ درئی کارانی وزیر سینیٹر محمد اسحاق ڈار ءُ بحرین ءِ دری کارانی وزیر ڈاکٹر عبداللطیف بن راشد الزیانی ءَ پاکستان ءُ بحرین ءِ یکجائی وزارتی کمیشن ءِ سیمی دیوان ءِ سروکی ءَ وزارت ءِ درئی کار ءَ کت۔ دوئیں نیمگ ءَ تجارت ءُ سرمایہ کاری، کشت ءُ کشاری ءُ فوڈ سیکیورٹی، توانائی، میری ٹائم امور، انفارمیشن ٹیکنالوجی ءُ ٹیلی کمیونیکیشن، جان سلامتی ءُ وانگ ءُ زانگ، مزدور ءُ مردمی توان، ءُ مردم ءِ نیام ءَ رابطہ ءِ ھوار جتا جتائیں شوبگ آنی تہ ءَ دو نیمگی کمک ءِ ھوالگ ءَ سرجمیں گپ ءُ تران بوتگ۔ دوئیں ملک آنی نیام ءَ سیادی ءَ را گیش مھکم کنگ ءُ مردم آنی نیام ءَ رابطہ ءُ تعامل ءَ را دیمروئی دیگ ءِ گامگیج آنی سر ءَ ھم ھیال ریچی کنگ بوت۔ نائب مزن وزیر ءُ دری کارانی وزیر ءَ بحرین ءِ گوما پاکستان ءِ دیریں ءُ براتی سیادی ءِ ارزشت ءِ سر ءَ زور پر دات ءُ دوئیں ملک آنی الس آنی واستہ نزیکیں دو نیمگی سیادی آناں ٹھوس آسر آنی تہ ءَ بدل کنگ ءِ ضلورت ءِ سر ءَ زور پر دات۔ آئی ءَ ادارگ جاتی میکانزم ءِ وسیلگ ءَ رستگیں پیسلہ آنی جوانیں رنگ ءَ عمل درآمد ءِ سر ءَ ھم زور پر دات، ایشی ءِ تہ ءَ یکجائی کارگس ھوار اَنت ءُ پیشرفت ءِ باقاعدہ چار ءُ تپاسی ءِ سر ءَ ھم زور پر دات۔ بحرین ءِ دری کارانی وزیر ڈاکٹر عبداللطیف بن راشد الزیانی ءَ بحرین ءِ دو نیمگی سیادی ءَ را گیش مھکم کنگ ءُ جتا جتائیں پڑ آنی تہ ءَ کمک ءَ را گیش کنگ ءِ واستہ جزم ءِ سر ءَ زور پر دات۔ آئی ءَ بحرین ءِ دیمروئی ءُ وشھالی ءِ تہ ءَ پاکستانی کمیونٹی ءِ ارزشتی ایں کرد ءِ ھم من اِت۔ یکجائی وزارتی کمیشن ءِ سیمی دیوان ءِ گڈ سر ءَ دوئیں ملک آنی دری کارانی وزیر آنی نیمگ ءَ دیوان ءِ پروٹوکول ءِ سر ءَ دستخط کنگ بوت۔ دوئیں نیمگ ءَ آیوکیں سال ءَ منامہ ءَ یکجائی وزارتی کمیشن ءِ چارمی دیوان ءِ برجم دارگ ءِ سر ءَ ھم تپاک کنگ بوتگ۔ دوئیں نیمگ ءَ دمگی ءُ میاں اوستمانی جاور آنی سر ءَ ھم گپ ءُ تران کنگ بوتگ ءُ اقوام متحدہ ءَ ھوار کثیر نیمگی فورم آنی تہ ءَ کمک ءِ سر ءَ ھم گپ ءُ تران کنگ بوتگ۔ بحرین ءِ دری کارانی وزیر ءَ آبنائے ہرمز ءِ جاور ھال آنی بابت ءَ وتی ملک ءِ موقف ءِ درشانی کت ءُ دمگ ءِ تہ ءَ گوستگیں بحران آنی وھد ءَ پاکستان ءِ سفارتی کرد ءِ ساڑات کت ھاسیں رنگ ءَ اقوام متحدہ ءِ سلامتی کونسل ءِ تہ ءَ۔ نائب مزن وزیر ءُ دری کارانی وزیر ءَ فلسطین ءِ ھوالگ ءَ پاکستان ءِ اصولی موقف، بھارت ءِ ناجائزیں رنگ ءَ قبضہ کتگیں جموں ءُ کشمیر، سندھ ءِ آپانی معاہدہ ءُ اوگانستان ءَ چہ درکپوکیں ناشرکاری ءِ ھترہ ءِ سر ءَ زور پر دات۔ اے تر ءُ تاب پاکستان ءُ بحرین ءِ نیام ءَ دو نیمگی سیادی آنی تہ ءَ پیشرفت ءِ چار ءُ تپاسی ءُ وت مہ وتی کمک ءَ را گیش مھکم کنگ ءِ واستہ یک ھاسیں موہ ءِ ثابت بوت۔ آئی ءَ دوئیں ملک آنی نیام ءَ نزیکیں ءُ براتی سیادی آناں گیش گہتر کنگ ءِ یکجائی جزم   ءِ درشان۔