شیخ نواف سعود الصبا ءَ مزن وزیر ءَ را کویت پٹرولیم ءِ پاکستان ءَ ایکسپلوریشن ءِ شوبگ ءَ 1980 ءَ چہ جاڑیگیں کاروباری چست ءُُ ایر آنی بابت ءَ بریفنگ دات
اسلام آباد۔ 22 مئی (اے پی پی) مزن وزیر عمران خان ءَ گوں کویت پٹولیم ءِ چیف ایگزیکٹو آفیسر شیخ نواف سعود الصبار ءَ ڈل ءِ ھمبراھی ءَ ادا مزن وزیر کارگس ءَ گند ءُُ نند کت۔ بنجاھی وزیر برائے ھاٹیگ عمر ایوب خان، وزیر ءِ ھاٹیگ پنجاپ ڈاکٹر اختر ملک، سیکرٹری پٹولیم میاں اسد حئی الدین ءُُ ایندگر کلانہ ایں کارندہ اے موہ ءِ سر ءَ ساڑی اتنت۔ شیخ نواف سعود الصبا ءَ مزن وزیر ءَ را کویت پٹرولیم ءِ پاکستان ءَ ایکسپلوریشن ءِ شوبگ ءَ 1980 ءَ چہ جاڑیگیں کاروباری چست ءُُ ایر آنی بابت ءَ بریفنگ دات۔ آئی ءَ پاکستان ءَ کاروباری چست ءُُ ایر آناں گیش شاھیگانی دیگ ءِ سر ءَ واھشت ءِ درشان کت۔ مزن وزیر ءَ کویت پٹرولیم ءِ چیف ایگزیکٹو آفیسر شیخ نواف سعود الصبا ءُُ آئی ءِ ھمبراھیں ڈل ءَ را پاکستان ءَ وش اتک کت ءُُ حکومت ءِ نیمگ ءَ چہ کویت پٹرولیم ءَ را کمک جاڑی کنگ ءِ بابت ءَ دل یکیمی کت۔ آئی ءَ استیں حکومت ءِ نیمگ ءَ ملک ءَ کاروبار ءَ آسانی ءُُ در ملکی سرمایہکاری ءَ آسراتی ءِ واستہ چست کتگیں گامگیج آں چہ سر پد کت۔ مزن وزیر ءَ گوشت کہ گوستگیں ایکسپلوریشن ءِ شوبگ ڈلگچار بوتگ۔ اے شوبگ ءَ استیں ازمکاری آناں کارمردی ءِ واستہ حکومت تیل ءُُ گیس ءِ پٹ ءُُ پول ءُُ پیداک کنوکیں کمپنی آنی واستہ آسراتی ءِ نوکیں پالیشی آنی سر ءَ کار کنگ ءَ انت۔ وھدیکہ یک شل ءُُ سیت ایگیں کاروبار ی کشک آناں ساپ ءُُ سلہ کنگ بوھگ ءَ انت۔ مزن وزیر ءَ کویت پٹرولیم ءِ نیمگ ءَ پٹ ءُُ پول ءُُ پیداوار ءِ شوبگ ءَ ھندی مردمی ھاٹیگ ءُُ ھیل کاری ءِ پجاری ءِ واستہ ازمت آناں ساڑات۔ اے موہ ءِ سر ءَ پنجاپ ءِ وزیر ءِ ھاٹیگ ڈکٹر ایم اختر ملک ءَ پنجاپ حکومت ءِ نیمگ ءَ پٹرولیم ءِ شوبگ ءَ کتگیں جتا جتائیں گامگیج آنی بابت ءَ سرپد کت۔
