چینی ریونیو اتھارٹی ءُُ فیڈرل بورڈ آف ریونیو دوئیں ادارگ یک ءِ دومیگ ءَ را کامیاتیں تجروبت آں چہ سیت زرت کن اَنت۔ چینی سفیر
اسلام آباد۔ 22 مئی (اے پی پی) پاکستان ءَ چین ءِ سفیر یاوجنگ ءَ گوشت کہ چینی ریونیو اتھارٹی ءُُ فیڈرل بورڈ آف ریونیو (ایف بی آر) ءِ شریکی ءَ چہ دوئیں ادارگ یک ءِ دومیگ ءِ کامیاتیں تجروبت ءَ چہ سیت چست کت کن اَنت۔ آئی ءَ اے گپ چار شمبے ءِ روچ ءَ ادا فیڈرل بورڈ آف ریونیو ءِ چیئرمین سید محمد شبر زیدی ءَ گوں ایف بی آر ہیڈ کوارٹرز ءَ گند ءُُ نند کت۔ گند ءُُ نند ءِ ساھت ءَ ایف بی آر ءِ جارچین ءِ رد ءَ پاکستان ءَ چین ءِ سفیر یاؤجنگ ءُُ پاکستان ءِ واستہ میاں اوستمانی بنک ءِ ڈائریکٹرالانگووان پیچموتو ءَ ایف بی آر ہیڈ کوارٹرز ءَ جتا جتائیں گند ءُُ نند کت۔ چینی سفیر ءَ ایف بی آر ءِ نیمگ ءَ ٹیکس ءِ شوبگ ءَ جتگیں گامگیج آنی توسیپ کت۔ آئی ءَ ایف بی آر ءِ نیمگ ءَ ٹیکس زوروک آنی آسراتی ءُُ ھاسیں رنگ ءَ آوانی شکاست دور کنگ ءِ واستہ جتگیں گامگیج آناں ساڑات۔ چینی سفیر ءَ شبر زیدی ءَ را چیئرمین ایف بی آر بوھگ ءِ پد ءَ وش اتک کت ءُُ امیت سہرا کت کہ آئی ءِ سروکی ءَ ایف بی آر وتی توامیں ھد ءُُ ابیل آناں جوانیں رنگ ءَ پیلو کنت۔ اچینی سفیر ءَ اے امیت سہرا کت کہ چینی ریونیو اتھارٹی ءُُ ایف بی آر ءِ شریکی ءَ چہ دوئیں ادارگ یک ءِ دومیگ ءِ کامیاتیں تجروبت آں چہ سیت چست کت کناں۔ چیئرمین ایف بی آر ءَ پاکستان ءِ واستہ میاں اوستمانی بنک ءِ ڈائریکٹر الانگووان پیچموتو ءَ ھم گند ءُُ نند کت۔ میاں اوستمانی بنک ءِ کنٹری ڈائریکٹر ءَ ایف بی آر ءِ نیمگ ءَ ٹیکس دیوک آنی آسراتی ءُُ ھاھیس رنگ ءَ آوانی شکاست آنی گیواری ءِ ھاترا جتگیں گامگیج آناں ساڑات۔
