ٹیکس دہندگان و کاروباری تپہ کن چاگڑد ءِ گچین کننگ خوانہ، رضاکارانہ بنداو تیا خراج ادائیگی تا است بڈی ءِ کننگک
اسلام آباد۔ 22مئی (اے پی پی) فیڈرل بورڈ آف ریونیو(ایف بی آر) غیر رجسٹرڈ صنعتی صارف آتے کن سیلز خراج نا مد اٹی ایمنسٹی نا پڑو ءِ کرسا پارینے کہ غیر رجسٹرڈ صنعتی صارف آک 2 درسد نا کچ اٹ خراج ادا کرسا تینا سلوک آ پیسہ غاتے کلیئر و رجسٹریشن دوئی کننگ کیرہ۔ چیئرمین ایف بی آر سید شبر زیدی چارشنبے نادے آ داڑے فیڈرل بورڈ آف ریو نیو نا ہیڈ کوارٹرز اٹی باسک پالیسی بورڈ و ایلو عہدیدار آتون اوار پریس کانفرنس آن تران کرسا پارے کہ ننا بنداوی ویل دادے کہ ننتون فائلرآتا کچ کم ءِ وخت اس کہ دا نا برعکس کاروبار نا بنداو زیات ءِ۔ داوخت آ صنعتی صارف آتا کچ 3لکھ 41 ہزار 174 ءِ ہرافتیان سیلز خراج نا رجسٹرڈ صارف آتا کچ بیرہ 38 ہزار 937 ءِ۔ ہنداوڑ ملک اٹی بجلی نا صنعتی صارف آتا کچ 3 لکھ 41 ہزار 174، ہنداوڑ گیس انا رجسٹرڈ صنعتی صارف آتا کچ 7 ہزار ءِ۔ چیئرمین ایف بی آر پارے کہ 3لکھ انا خڑک غیر رجسٹرڈ صنعتی صارف آتا رجسٹریشن کن کانود سازی ٹی دا جاچ ءِ ہلوئی مریک کہ معاملہ غاتے ہراوڑ جوانی اٹ مون آ دننگ مریک، کانود سازی ٹی کوشست بایدے مرے کہ رضاکارانہ بنداو تیا خراج ادائیگی تا است بڈی ءِ کننگے و صارف آک تینا خراج آتے اداکرسا ملکی شونداری ٹی تینا کڑد ءِ ادا کیر۔ چیئرمین ایف بی آر پارے کہ ننا مطمع نظر کاروبار کن گچین وسازگار چاگڑد تننگ نا ءِ، اگہ کس اس صنعتی صارف ءِ تو او بایدے رجسٹرڈ مرے۔ داوخت آ ٹیج انڈسٹری نا تفہیم نا غلط کاریم اٹ اتنگ انگ ءِ، ننا کاریم دادے کہ نن دا معاملہ غاتے سہی کین تانکہ خراج نا بنداو گیشتر مرے۔ اسکیم نا ذکر ءِ کرسا چیئرمین ایف بی آر پارے کہ دانا رداٹ غیر رجسٹرڈ صنعتی صارف آک 2 درسد نا کچ آن خراج ادا کرسا تینا واجبات آتے کلیئر و رجسٹریشن دوئی کننگ کیرہ، دا اسکیم 30 جون اسکان رضاکارانہ بنداوتیا برجاسلک و داٹی ایف بی آر فیڈبیک نا جاچ ءِ ہم ہلیک۔ نا ن کسٹم پیڈ گاڈی تے کن ایمنسٹی اسکیم نا بابت سوج آ چیئرمین ایف بی آر پارے کہ داوڑنا ہچ ءُ اسکیم اسے آسجفپننگ انگ ءِ۔ اوپار ے کہ مستین اٹی مینو فیکچررز کن ہنداوڑنا ایمنسٹی آ پنالٹی عائد مرسا کرے ولے داوار اودے موقع تننگانے و کنا اوفتیان خواست ءِ کہ او دا موقع غان پبی فائدہ ہرفر انتئے کہ مننگ کیک کہ جولائی ٹی اسکیم نا دروشم ہمو مف ہرا کہ اینو ءِ۔ شبر زیدی پارے کہ خراج تروک و کاروباری تپہ غاتے کن چاگڑد ءِ گچین کننگ خوانہ، صنعتی صارف نا خراج مننگ کیک صفر مریک نن رجسٹریشن کننگ خوانہ۔ اسہ پین سوج اسے آ اوپارے کہ سیکورٹی اینڈ ایکسچینج کمیشن تون رجسٹرڈ کمپنی تا کچ اسہ لکھ انا خڑک ءِ ہرافتیان بیرہ 50 ہزار خراج فائلرز ءُ، دارداٹ اینو چیئرمین ایس ای سی پی تون ہیت مسنے۔
